Video
Read full review
2007-09-28
11 views
問過一D好熟悉泰國食品朋友有冇嚮香港食過泰國生蠔，原來佢地都唔知香港有得食。上次我去泰式燒王BBQ2食野，阿姐同我講遲D佢會嚮泰國訂D生蠔過來，問我有冇興趣試。咁識我人都知我勁鐘意食生蠔嫁啦，而且泰國生蠔我又真係未試過，所以就留低電話，叫阿姐一有貨就打比我。咁果晚利苑巴魯坦龍蝦單野笑到肚都未痛完時，阿姐就打來話有蠔，問我食唔食，咁我梗係食啦。佢問我留幾隻，我問佢幾錢隻，佢話15蚊隻，我心諗15蚊隻大得去邊，應該係BB蠔來的，咁我平時拍生蠔隨時一打兩打都面不改容嫁啦，於是叫佢留番十隻八隻比我。乍乍臨換衫，Con都無帶，帶眼鏡，但又著啤酒妹衫加條榆枷褲(唔好誤會，我唔識榆枷的，買呢條褲係貪佢夠鬆！)，又冇梳頭，成個人不倫不類，超攪笑！搭12分鐘忘命小巴去到，成間舖得我一個人。阿姐D生蠔出來果時我嚇一跳，原來d蠔都幾大隻，好彩我未食飯，應該ok掛。呢D蠔當然唔係新鮮即開嫁啦，而食法又同我地平時食開果D唔同，由阿姐親自教路。首先，要將蠔肉(巳脫殼)咄來放嚮碟上，加d酸辣汁，甜辣醬，放d炸乾蔥絲，本來要放埋一束臭草上去的，不過阿姐就叫我唔好擺臭草住，食先。大啖吞成隻蠔落口，趙幾下，無我預期咁腥，
去得果度，鰤魽走唔甩。食過咁多間，都係呢度最鮮最肥最甜最夠生，真係食到成口血，好滿足。破天荒冇飲啤酒，飲珍多冰，唔過甜，又幾好。
個笑面，係比可愛阿姐同d鰤魽！而味道果4分，亦係靠鰤魽拉高。
題外話1: 好多人都會覺得，泰國咁熱，邊有人食生蠔；而且泰國環境同氣侯，都唔適合蠔生長啦。我都覺得係，不過依家自己真係食嘛，所以就衰衰咁唔抵得頸走去睇d關於亞洲，特別係泰國漁業報告文獻，發現原來泰國以前係好多野生蠔嫁，不過後尾因採捕過度同污染問題，搞到供應下降，咁泰國政府就積極發展養蠔業，當然養唔係全部都係可以生食果D生蠔啦，應該只有三數個品種係可以生食。唔講唔知你地又知唔知，原來最早開始嚮泰國養蠔，又係我地中國人呢！有話其實泰國生蠔如果即開即食係幾甜幾好味的，可能我食果d唔係新鮮野，所以有咁大差別啦！泰國當地唔係有咁多地方有本地生蠔供應，Somboon 或Je Ngor應該有喎。
題外話2：雖然食完都幾滯，但心諗食咁多生冷野冇d熱野落肚又唔得，呢度d湯面又麻麻，我鐘意泰北家鄉湯又多湯小，於是走去永珍食碗生牛肉粉，點知勁難食，牛肉幾乎熟透，又韌到咬唔落，D湯香料少得可憐，冇層次，飲完成晚渴到人都顛。經過清真牛肉館又買幾件牛肉餅返去食，係好熱辣辣同皮薄多汁，不過d牛肉餡就好鹹，真係“鹹在骨子裏”。
Post
