小火山 (Closed)

啱去完泰國旅行, 返到香港仍然好掛住泰國既食物, 約左朋友出黎俾手信, 特登揀左呢間泰式餐廳食飯。餐廳主打泰豬鍋, 可以同時燒肉和打邊爐。我哋叫左椰子雞湯和泰式肉骨湯, 燒之前將肉浸下啲湯, 味道更好呀。我哋兩個湯底亦有落到金邊粉, 金邊粉浸左湯食十分入味呀。另外, 炸蝦片配冬蔭蛋黃醬亦非常惹味, 令人食不停口。最後點左蝶豆花芒果糯米飯做甜品, 食完非常滿足。餐廳夜晚仲有live band, 好有氣氛, 啱晒同朋友食飯傾計。