泰園 (Closed)

泰園的醃蟹與椰青，都是我喜愛的，今次與好辣朋友來到，可以一試其泰辣菜式了。泰式醃生蟹， 以奄仔蟹代替三點蟹，爆多蟹膏，同時亦重蟹味，若醃製上，加些酒來調一下，會更能帶出鮮味與酒醉香。泰式醃瀨尿蝦，鮮甜肉嫩，蝦身也了剝殼，方便我這些不諳剝殼的人食用。椰汁雞湯，吃完生冷食物，喝碗暖湯是我的定律，雞湯的辣味突出，帶少許椰汁與香茅味，正合我口味；軟腍大件雞肉，煮湯後仍不失其鮮嫩。南瓜海上鮮，海上鮮有大蝦、鮮魷、魚柳、青口等，雖然有紅咖喱，但並不太辣，南瓜蓉吸滿汁料，又不失其鮮甜。辣爆海旋風，勁辣得要命，卻又吃到停唔到口的，紅紅的辣汁，水煮香辣的氣味，配上粒粒肥大爽甜東風螺，在舌頭上跳呀跳，好過癮!來多個會跳的，是秘製椰芯炒田雞，好特別的醬汁，甜辣中有多種泰國香草味，椰芯爽脆，走過油的田雞，略嫌顯得有點乾身。菠蘿炒飯$128，真材實料又豐富，有菠蘿清甜，飯粒又不濕爛，甚有口感。甜品不再是普通的芒果糯米飯或甚麼糕，而是西瓜綿綿冰，有芒果、益力多、豆腐、榴槤味選擇，我呢，當然選榴槤啦﹗嗅覺味覺盡是勁香榴槤味，原個西瓜肉挖成球狀，裡面放入榴槤冰，意想不到西瓜與榴槤是可以這麼夾，解辣又消暑。