泰亭 (Closed)

中午商場川流不息，間間食肆都擠滿人，唯獨呢間唔使等，此情此境，經驗話我知好易中伏，結果又證明多一次！叫碟青咖喱雞飯，鹹而不香，雪藏雞柳冇骨落地唔在講，連配料都欠奉。冬蔭公湯底就得個鹹字；豬扒則霉霉地，最離譜杯每日特飲，唔寫明係乜，任佢酙乜要飲乜，只分冷熱飲，結果杯嘢有啲似酸梅湯，又似八香果，或者係兩溝卦，咁點解唔寫明送乜？有啲取巧，成70蚊仲要加一畀啲咁嘅嘢人食？再望望隔離枱一家人叫咗成枱食物，仲有伙記殷勤招呼，原來係熟人！明白哂！見微知著，從佢地親疏有別嘅「另類」服務模式，就知佢地點樣經營了。