真心泰國菜館 (Closed)

上網見到好多人食呢間泰國菜，睇相感覺好似較舊式，但係上到去原來裝修色彩繽紛，而且幾乾淨。午市超級抵食，價錢經濟實惠，$30幾至$60左右已經有午餐包基本飲品，而且選擇相當豐富：有湯粉麵、炒粉麵、炒飯及小食。我哋叫咗兩個午餐：一個蝦醬炒飯$56、一個冬陰功炒公仔麵$56，另外加咗炸軟殼蟹。飲品揀咗泰式奶茶加$5、三色冰加$10。落完單好快食物就到。蝦醬炒飯我覺得好食，蝦醬味濃，炒得夠香，飯夠乾爽，有泰式風味。面上仲有大大隻煎蛋，配菜有泰式臘腸、洋蔥🧅、肉鬆等等。冬陰功炒公仔麵麵質林身，冬陰功味酸味比辣味重，幾香口。有蝦等等。小食軟殼蟹有兩大件，即炸！調味啱啱好。