Peek-A-Chill (Closed)

在銅鑼灣非常方便嘅位置，泰式小店，食物種類非常多，set dinner大約$88價位非常抵，怪不得晚上7:00之後已經滿坐。小編今次散叫，叫咗幾款特色小食，真係好正好吸引，一定會再嚟。◇ 泰式船麵這款泰式船麵有好多自由搭配，粉類有米粉金邊粉，配菜有牛豬雞雜菜，冇乜其他配料但湯底一樣係泰式那種酸酸甜甜好易入口好開胃，2人份量亦剛好，湯控嘅小編就最喜歡◇ 蟹肉奄列蛋煎得香口薄身，包住蟹肉，似多層一層蛋一層蟹肉，口感豐富，覺得蟹肉唔夠，仲有表面一羹蟹肉，雖然配有紅辣椒醬，小編怕太辣冇沾，但本身味道已經好足夠◇ 酸辣八爪魚仔簡單白灼整熟，保留最原本鮮味，肉質爽口彈牙，共8隻，隻隻size一樣，沾上偏辣酸檸醬，更覺泰式風味◇ 泰北酸腸波波這款泰北酸腸，做成波波狀一粒粒容易食，味道上小編覺得酸味少少蓋過肉味，可能食開香腸那種肉香比較濃，但這就是泰北特色◇ 皮皮雖然餐牌話玫瑰、士多啤梨同益力多，但小編一直飲都覺得係似番石榴，不過無論如何，這杯超級清甜好味，大推◇ 菊草葉這杯用料更多，有牛油果、乳酪、杏仁奶、香草同海鹽，混合質感偏杰，牛油果味好香，亦散發陣陣杏仁奶香，另一出色飲品