泰COOL

Open Now

Now Closed

泰cool之前在海翩匯海邊，那時對餐廳的印象是有質素的良心小店，食物幾好味但價錢合理，環境仲好 chill 適合三五知己happy hour/食嘢傾偈 最近發現餐廳在天晉匯 popwalk 2 期重開覺得很開心，今天就來試試 星期一至五午市套餐價錢$58起，包括飲品、免加一，其實真係好抵食。之前好喜歡泰 cool 的麵包釀咖喱，但今日唔想食得咁Heavy，所以就試吓另一款廚師推介：海南雞飯。雞肉夠滑，不過冇乜鮮味；醬汁方面，薑蔥油味道好淡，辣汁就幾好；油飯做得比海南雞好，有啲黃薑粉味。餐飲叫咗熱泰式奶茶，奶味和茶味都幾濃，又冇想像中咁甜，都唔錯嘅。服務方面就真係好一般，侍應們都好似餐廳個名咁cool，如果可以改善下就好啦。