Video
4-min walk from Exit B1, Tseung Kwan O MTR Station
continue reading
Telephone
23771501
26331711
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
一行四人原先想去其他店品嚐美食，我們沿途經過此泰國餐廳，環境不錯，見餐牌價錢合理，就入去嘗試，服務態度好，價錢合理，叫了幾樣食物，食物質量也不錯，用餐體驗很不錯
continue reading
好多年前食過油麻地嗰間泰Cool嘅lunch, 感覺麻麻，午市套餐嘅食物好似整定咁，唔夠熱，嗰次試咗咖哩牛腩農夫包同炒金邊粉，味道都唔係好啱我口味。但係有位都幾識食嘅朋友佢就覺得泰Cool好好味, 於是有啲餐飲券就去再試，原來油麻地分店已經結業，全港仲有三間分別睇將軍澳天晉、鰂魚涌同九龍灣麗晶花園。今次我去咗將軍澳分店，lunch時間都爆場，lunch set大約六十幾蚊，仲要免加一。不過我哋今次就散叫。食咗朋友推介嘅咖哩軟殼蟹🦀農夫包。賣相同味道都已經同我n年前喺油麻地店食嘅好唔一樣，成件事進步咗。麵包有切開方便食客食用，麵包焗得香脆（不過有一邊燶咗少少）, 配上加咗蛋🥚嘅泰國黃咖哩，個汁真係好適合送飯送麵包，好惹味。反而軟殼蟹份量就少咗啲。另外點咗青胡椒炒蜆，份量都算多，似大排檔豉椒炒蜆嘅味道，掛咗個蠔油味醬汁，會越食越辣嘅風味。炒金邊粉都仲係麻麻哋，味道層次唔夠豐富，似中式濕炒河，泰國風味唔夠。主餐牌寫住要加一，但唔知係咪因為我哋weekdays嘅lunch去食，最終冇收到加一。呢餐總共大約400蚊。
continue reading
地方不大, 環境一般.點菜時阿姐話唔識, 叫我地講number.火車頭味道差, 牛肉有點韌,, 豬肉有些微騷味, 粉煮過了. 偏軟.海南雞無雞味, 雞肉韌, 咖哩牛肉韌, 咖喱還可以.價錢一般, 但食物水準差, 我不會再光顧.
continue reading
住咗咁耐，最近路過才發現一間看似 不錯嘅泰菜，進店後見到幾個泰國人講泰文，感覺很親切 。於是叫了個午餐，香茅豬扒湯檬 +熱泰茶，整體味道不錯，泰茶正常發揮 。由於我係泰國迷，已約了幾個麻雀腳，聽晚大戰完便去試多幾個菜式。點知今日突然掛住佢個豬扒，又去左食個午餐，點知今日個豬扒燶到一個點，上枱果陣我呆左兩秒，甘都得？？？但諗諗下，個廚師煮完都可以放出嚟，出菜嗰個又覺得冇問題照上枱畀我，係咪我自己要求太高咋🤔轉頭我攞張紙巾整走D濃既部分，因為我怕會苦，另一個侍應路過好有心問我要唔要換，話見到我塊豬扒濃到甘，我先肯定我今次唔係挑剔 。但我覺得廚師都覺得冇問題，出菜嗰個亦覺得冇問題先會上枱，為咗避免再次有唔開心嘅事情發生，算了吧 !冇下次!
continue reading
將軍澳泰Cool幫襯過好幾次，由係將軍澳海濱店到而家搬咗去Popwalk 2都食過，水準中上兩個人叫咗兩杯飲品三款食物，每人平均200幾蚊，價錢合理。今次叫咗咖青口釀焗包、馬拉盞粉絲雜菜、椰子雞湯，三樣都好啱口味。咖喱青口釀焗包上枱大碟，細食人士要叫多幾個朋友先食得哂。成份有8隻青口，剛剛好夠一件麵包配一隻青口，唔會唔夠分。青口都夠鮮味，唔係急凍太耐搞到無哂海鮮味，值得一讚。咖喱係屬於椰奶味濃嘅款式，辣味唔算重，就算唔太食到辣嘅朋友都唔洗擔心。咖喱入面仲有大大塊紅椒、青椒、洋蔥，咬落好爽口。夾埋麵包同青口食，口感豐富。馬拉盞粉絲雜菜馬拉盞屬於微辣，粉絲入哂味，如果餸飯都係一流。至於雜菜嘅款式真係非常多，包括芥蘭、粟米仔、西蘭花、椰菜花、秀珍菇、甘筍、椰菜，補充營養都係一流。但炒菜嚟講都會比較多油，所以少油開嘅朋友，可能會覺得油。地道椰子雞湯點解叫地道椰子雞湯？因為佢就係泰國風味嘅雞湯，並唔係中式好清嘅口味。就好似走辣版本嘅冬蔭功湯。湯入面仲有頗多雞肉，而雞肉都係嫩滑，不過建議一開始可以撈起啲雞肉，等飲湯個陣再放落湯淥一淥就避免咗鍋湯一直熱住令雞肉過老。雞湯係用平時一人邊爐嘅鍋上台，下低有火一直熱住個湯，包你由頭飲到尾都係熱辣辣。熱精果沙冰 & 泰式奶茶去到泰國餐廳，叫返杯特飲就少不免。對上一次印象中嘅飲品都落重糖，所以唔太啱我口味。不過今次就試下其他飲品，了解一下係咪飲品普遍偏甜。熱情果沙冰坐係出面都聽到打沙冰嘅聲份量十足，亦都係真材實料，見到啲黑色嘅籽碎。泰式奶茶一般都好甜，但呢杯沖得剛剛好，飲落唔會鞋口。當日正直晚餐時間，不過客人數目只有幾枱，所以出餐都比較快。外賣單亦都唔多。整體不錯嘅泰菜，希望多啲區內居民可以支持一下！
continue reading