Video
Read full review
2023-11-22
14 views
🇹🇭泰Grill (將軍澳)📍今次去咗將軍澳嘅一間泰國餐廳食夜晚🍽️，一去到就見到有幾枱客都有帶狗仔坐喺餐廳出面🐶，勁得意、啲狗仔好乖咁坐喺到😽，係一間寵物友善餐廳嚟🐾。🍴肉碎生菜包 $82 8.5/10呢間鋪頭勁貼心❤️，手機落單嘅時候有得揀走芫荽👏🏻，仲有大辣少辣個啲🌶️，對於唔食芫荽🌿嘅人嚟講（包括我🙈），簡直係一大福音🌟。一上到嚟個肉碎分量超多，包嘅時候勁熱辣辣，啲肉汁滴晒出嚟，酸酸辣辣咁，配埋新鮮嘅生菜🥬，好開胃吓。🍴手打青咖哩(牛肉) + 油飯 $88 + $15 7.5/10嗰青咖喱用嚟送飯一流，見到入邊除咗牛仲有好多其他配料，尤其係啲菜🥦，索晒啲汁😍，不過個牛稍微有啲韌，唔係太夾青咖喱🍛，反而我拎冬陰功個雞肉去點，就夾好多，如果下次去食，會試吓揀雞肉或者豬肉。而個油飯就粒粒分明🍚，唔會一pat嘢咁，幾香黃薑、香料味🫚，但雞油味就稍為遜色。🍴冬蔭功湯金邊粉(雞肉）$62 6.8/10嗰湯底酸酸甜甜好開胃😋，不過略嫌冇乜鮮味；而個金邊粉勁掛湯，金邊粉嘅麵質唔會好淋。但個雞肉有少少嚡🍗，同埋有啲唔係太夾，下次叫海鮮可能會好啲🦐。🍴串燒 (3 串) (雞,牛,豬）$48 7/10三
今次去咗將軍澳嘅一間泰國餐廳食夜晚🍽️，一去到就見到有幾枱客都有帶狗仔坐喺餐廳出面🐶，勁得意、啲狗仔好乖咁坐喺到😽，係一間寵物友善餐廳嚟🐾。
🍴肉碎生菜包 $82 8.5/10
呢間鋪頭勁貼心❤️，手機落單嘅時候有得揀走芫荽👏🏻，仲有大辣少辣個啲🌶️，對於唔食芫荽🌿嘅人嚟講（包括我🙈），簡直係一大福音🌟。
一上到嚟個肉碎分量超多，包嘅時候勁熱辣辣，啲肉汁滴晒出嚟，酸酸辣辣咁，配埋新鮮嘅生菜🥬，好開胃吓。
🍴手打青咖哩(牛肉) + 油飯 $88 + $15 7.5/10
嗰青咖喱用嚟送飯一流，見到入邊除咗牛仲有好多其他配料，尤其係啲菜🥦，索晒啲汁😍，不過個牛稍微有啲韌，唔係太夾青咖喱🍛，反而我拎冬陰功個雞肉去點，就夾好多，如果下次去食，會試吓揀雞肉或者豬肉。
而個油飯就粒粒分明🍚，唔會一pat嘢咁，幾香黃薑、香料味🫚，但雞油味就稍為遜色。
🍴冬蔭功湯金邊粉(雞肉）$62 6.8/10
嗰湯底酸酸甜甜好開胃😋，不過略嫌冇乜鮮味；而個金邊粉勁掛湯，金邊粉嘅麵質唔會好淋。但個雞肉有少少嚡🍗，同埋有啲唔係太夾，下次叫海鮮可能會好啲🦐。
🍴串燒 (3 串) (雞,牛,豬）$48 7/10
三款串燒都醃得好入味🍢，配埋佢超濃花生味嘅沙嗲醬🥜，好香口👅。而三款入面比較推薦雞🐥，仲係好滑好juicy，唔會乾同柴。
🍴泰式奶茶沙冰 $48 8/10
平時好少見到有泰奶沙冰🍧，通常一係泰奶、一係芒果沙冰，咁就梗係叫佢啦。本身有少少驚中伏，會好淡泰奶味，點知唔會✨。
同埋通常沙冰會固定甜度，但呢個勁好，可以選擇甜度🍬，所以杯野唔使驚好甜，用嚟解辣一流👍🏻。
💰 翻兜指數: 7.5/10
而晚市嚟講呢個價錢（以上係未收加一）同食物質素，簡直係性價比超高❗️同埋喺啲細節位，仲有喺落單嘅時候，好多位都好用心同貼心❤️。如果嗰日想食泰國菜🥢，而又喺將軍澳附近，會再揀佢。
Post
