天吉屋 (Closed)

第一次嚟天吉屋食，環境好似好乾淨咁，不過座位就比較窄，坐得唔舒服！我今晚就叫咗All Star 丼，材料好豐富，有黑虎蝦、石斑魚配紫蘇葉、軟殼蟹、魷魚、雜錦炸物（洋蔥和櫻花蝦）、雞肉、茄子、南瓜、四季豆，同埋最重要係有溫泉蛋！我仲追加左白飯，驚太多餸冇飯食，哈哈！碗飯嚟到嘅時候好大碗，實在太多餸，而且非常之香，佢嘅天婦羅係屬於比較厚粉嘅，炸得好脆，每款食物都發揮到自己嘅味道，特別係雜錦炸物，估唔到依個洋蔥同櫻花蝦嘅組合係咁好食！最唔好食係四季豆，咬咗一啖就放棄，就算搭配埋佢好好味嘅豉油都冇用。佢仲有椰菜絲沙律任食，有一碗湯唔係麵豉湯，應該係豚汁，所以仲出色！而且價錢唔貴，可以再encore！