吉野家 (富華中心商場)

Open Now

Now Closed

性格比高既牛肉洋蔥飯，送飯一流，下午茶只需$26，仲送埋熱飲（綠茶）！就算加凍飲，例如可樂或橙汁都係加3蚊，好抵食！牛肉配洋蔥好夾，洋蔥汁軟化左個肉類，洋蔥又吸咗啲牛肉鮮味 ！牛肉薄片肥而不膩，要牛汁可以另外叫一小碗，因直接倒落碗會太咸！唯一不足是飯多過餸，好多時食完牛肉仲有飯剩。咁我就叫多個茶碗蒸送埋d牛汁飯， 茶碗蒸入面有一舊蟹柳 同帶子定係元貝之類嘅嘢，食落都算係有海鮮味嘅蒸蛋，蛋的口感細滑！比得上出面連鎖壽司店嘅日式燉蛋。