清心齋 (Closed)

今日唔係初一十五,但有時食素可以洗條心靈,將煩悶嘅情緒掃走。素菜款色眾多,但我2人都只係可叫兩款,因份量都幾多,好抵食。叫左一款小菜套餐:湯+喇沙粉絲五蔬+白飯一碗 ($60)湯好清甜,冇油膩感 呢一款要多一碗白飯都唔夠呀!因為嗰個汁真係好惹味呀!葡汁加好重嘅椰汁,撈埋啲白飯食,嘩真係不得了。 五蔬如茄子、蕃茄、薯仔、蜜糖豆和雲耳好入味。 欖角蜜汁香叉燒$62雖然佢係用咗假肉,但係個味道調得不錯㗎! 我之前食過佢有埋炸淮山, 不過細問下,原來已經冇咗呢一款菜式。食素後成個人平靜左,開心番唒。