樸生•素食 (Closed)

今日喺青衣收工, 就同個同事喺附近搵下有咩食。話說最近聽人講一星期食一日素食會健康D, 而青衣城又真係有間素食餐廳, 所以我地就去左試下喇～入到去, 原來係半自助形式, 我地分別各自點了照燒芝士茄子同芝士白靈菇鍋飯。兩個既份量都唔細! 我地SHARE一齊食, 所以兩個主菜都有得試下! 個茄子有D食落似燒芝士喺上面, 好香!味道方面, 因為有素芝士調味, 唔會話好啖, 但亦唔會好似平時串燒鋪既咁, 唔會得個「咸」字。而另一個芝士白靈菇鍋飯, 其實似出面既石頭飯, 而個飯原來仲有埋D豆腐仔, 而成個飯最出色就係有豆腐! 原來淨係得素芝士加豆腐已經可以整得好好味!至於出面既自助吧有超多選擇, 可以比客人揀打邊爐添! 不過我地胃口唔大, 最後就淨係砌左沙律吧, 有黎麥, 正!同事到最後仲「筆」左碗豆腐花!估唔到素食都可以咁多花臣, 睇黎之後可以唔止一星期一次GREEN DAY喇!