Thai Market (Closed)

上星期同屋企人去咗洪水橋食泰式自助餐，裝修好有泰國feel，門口仲有架篤篤可以打卡。餐廳分咗幾個用餐區，有live band聽，而家仲做緊優惠，同屋企人食就啱晒。💕 泰式自助晚餐 $438/pp 冷盤冷盤有長腳蟹、大蝦、青口、翡翠螺等等，長腳蟹肉肉質鮮甜，大蝦爽口彈牙，幾新鮮。😛刺身刺身都有幾款選擇，例如有三文魚、八爪魚、吞拿魚等等，三文魚好厚切，其他刺身正常發揮。熱食熱食都有好多選擇，泰式嘅有冬陰功、咖喱大蝦、肉碎生菜包等等。而重頭戲仲有燒乳豬，職員會提醒我地出去拎，乳豬皮脆肉嫩好好食。另外仲有泰式船麵同海南雞飯，真係有喺泰國食嘅味道。🥹甜品有好多款泰式甜品，例如有椰汁糕、斑蘭蛋撻等等。另外都有即叫即製嘅焦糖燉蛋，外脆內嫩。