Spoon by Alain Ducasse (Closed)

一年一度的紀念日，今年繼續係呢間酒店食浪漫蒂克晚餐： 餐前小食：芝味蝴蝶酥、菠菜小餅及青瓜沙律三文治：芝味蝴蝶酥最滋味，小小咸好好味… 凍香草雞湯配蒸農場蔬菜：由於有太濃的香草味，所以唔係好啱我…第一次飲凍的雞湯…其實唔係好似飲湯…一試無妨…始終欣賞中式雞湯的煮法。要讚的是麵包 – 暖暖的，十分可口…尤其是個圓形的「牛角包」，鬆化無比.. 法國南部頂級鴨肝凍批配無花果醬：鴨肝凍批上有甜甜的果醬，配上小法包，襯得一流，伴菜係一個煮過的無花果，中間部份比較好味。 香煎日本鱸魚伴香草煮白豆及紅椒：上菜前會淋少少「辣豉油」，令菜色更惹味，魚肉十分鮮美，配上醬汁及白豆，很有新鮮感…未食過的煮法 嫩煎牛柳伴黃菌配慢煮牛肉汁：嫩滑、JUICY、牛味重，建議五成熟便好… 蜜桃配紅桑子汁伴香草雪糕：哈哈…居然係我覺得呢個餐我最鍾意的一個前甜品! 酸酸甜甜的，的確可以清新口腔，為下列甜品主菜作準備。自製的雪糕真真無得彈！又香又滑，仲有濃郁的香草味….諗起都想「番尋味」 法式朱古力紅苺蛋糕：又好睇又好食的法式甜品，蛋糕內有果仁，加上紅苺，可以帶出豐富的口感… 餐後甜點：macaron、朱古力曲奇及 Jean