活一鮮 (Closed)

難得同同事Lunch Time出街食飯，今次同事點名要食日本菜！Lunch Hour最好Book定枱，1230就已經全場滿座！🌟豬軟骨湯烏冬定食豬軟骨有三舊仔，切得四四方方，軟骨煮得夠淋又入味，肉嘅部分會相對韌少少，不過都係可以接受嘅。烏冬用上急凍烏冬，夠咬口煙韌。加上昆布、粟米🌽、魚片等配料，仲有麵豉湯、沙律、跟餐壽司🍣，其實都幾飽肚滿足☺️。🌟三色丼//挪威三文魚 油甘魚 蟹膏飯呢啲都係朋友叫嘅，可惜👧🏻唔食刺身🥹。不過朋友們都稱讚刺身鮮甜又厚切。🌟味淋魚乾成餐飯最吸引到👧🏻嘅竟然係味淋魚乾，本來以為係燒雞泡魚乾啲friend，估唔到用上係炸天婦羅嘅方式炸魚乾。魚乾索盡味淋，偏甜一點，魚乾質感都幾厚實同軟身。再點埋蛋黃醬真係超正！🌟燒雞軟骨//燒牛脷//燒茄子整體上串燒嘅表現都算高質，雞軟骨嘅雞肉、軟骨同脂肪比例平均，唔會太油膩。至少牛脷都唔算好韌。燒茄子🍆面層灑上鰹魚碎，充滿日式風味，茄子多汁又燒得夠軟身，表現滿意😊。