鍋卷鳴門 (Closed)

近排日式放題食得多，見到網上介紹一間活海鮮放題，最愛食瀨尿蝦嘅我就即刻約老公去食。 餐廳位於旺角通菜街，門面裝修充滿日式風格，趟門上有一大個忍字，餐廳面積寬敞，桌與桌之間保持一定距離，店內貫徹日系風格，牆壁貼上日式壁畫，感覺舒適。 餐廳提供三個價目的放題，分別為上忍／中忍／下忍。主要分別是在於時間，刺身，生蠔及牛的等級。老公被日本國產牛及生蠔吸引而決定要上忍。三款價目選項都可以在魚缸任捉海鮮，蔬菜丸類飲品雪糕都是自助，而其他食物就用QR code落單。  活海鮮首次自己捉海鮮，魚缸的海鮮每日都唔同，今晚有沙白～大連鮑魚～瀨尿蝦～刀貝～草蝦～藍花蟹及紅蟹。大隻瀨尿蝦在缸內爬來爬去，非常生猛，捉海鮮過程好難忘，食幾多捉幾多。   瀨尿蝦瀨尿蝦隻隻都比手掌長，即捉即烚最新鮮，入口鮮甜味令人驚嘆，肉質既滑且爽，忍唔住食左5隻🤣  大連鮑魚新鮮鮑魚要用力捉，鮑魚爽口彈牙，甘甜味慢慢慘出，用蕃茄和鰹魚湯烚都同樣好味。   日本國產牛國產牛的油脂分佈均勻，肉質嫩滑軟淋，甘香的油脂溶化在口腔中，很好吃。法國生蠔 任食的法國生蠔蠔肉飽滿，都幾鮮甜。120分鐘的放題真的由頭吃到尾，海鮮全都新鮮好吃，日本國