Video
Read full review
2019-03-10
1451 views
海洋公園旁邊的萬豪酒店甫開業，除了大堂中央的特大魚缸是話題作外，附設的幾間餐廳，同是令人津津樂道。 老實講，換了是幾年前，出入一次海洋公園都幾奔波，但今時今日，地鐵通車後，出入至少節省了一個鐘。 從地鐵站天橋信步走到連接酒店扶手電梯，都只不過是5分鐘的腳程，超方便，香港的基建的確到位。 餐廳入口處，有大型糖果機，小朋友可以在家長陪同下~盡情食吧！ 自助餐香港好多酒店都有，如何取捨呢？不如今次就由我來個重點介紹。 清蒸活龍蝦環顧香港Buffet，有活煮龍蝦的餐廳，真係一隻手數得晒，想不到Marina用上原隻鮮蹦活跳的龍蝦，蒸好後即時開邊，冒著蒸氣熱辣辣上碟，吸引度爆燈，食落爽甜彈牙，仲要係任食，單單龍蝦已回了一半位。 Seafood Station作為主題公園酒店，餐廳選用的，都是環保海鮮，所以成本會較高，但都值得支持。 中間的麵包蟹蟹膏勁爆，紅彤彤的極之誇人，好想拌落白粥，一定好甘甜。 而藍貝肉質嫩滑、翡翠螺及東風螺煙韌有嚼頭、阿拉斯加蟹腳甜美可口，加上花甲及海蝦，陣容比起好多酒店優勝。 刺身 有我喜歡的幼嫩帶子，
海洋公園旁邊的萬豪酒店甫開業，除了大堂中央的特大魚缸是話題作外，附設的幾間餐廳，同是令人津津樂道。
老實講，換了是幾年前，出入一次海洋公園都幾奔波，但今時今日，地鐵通車後，出入至少節省了一個鐘。
從地鐵站天橋信步走到連接酒店扶手電梯，都只不過是5分鐘的腳程，超方便，香港的基建的確到位。
餐廳入口處，有大型糖果機，小朋友可以在家長陪同下~盡情食吧！
自助餐香港好多酒店都有，如何取捨呢？不如今次就由我來個重點介紹。
清蒸活龍蝦
環顧香港Buffet，有活煮龍蝦的餐廳，真係一隻手數得晒，想不到Marina用上原隻鮮蹦活跳的龍蝦，蒸好後即時開邊，冒著蒸氣熱辣辣上碟，吸引度爆燈，食落爽甜彈牙，仲要係任食，單單龍蝦已回了一半位。
Seafood Station
作為主題公園酒店，餐廳選用的，都是環保海鮮，所以成本會較高，但都值得支持。
中間的麵包蟹蟹膏勁爆，紅彤彤的極之誇人，好想拌落白粥，一定好甘甜。
而藍貝肉質嫩滑、翡翠螺及東風螺煙韌有嚼頭、阿拉斯加蟹腳甜美可口，加上花甲及海蝦，陣容比起好多酒店優勝。
刺身
有我喜歡的幼嫩帶子，加上大大隻既赤蝦，與及北寄貝，仲有少見既深海池魚，又係一個回本位。
加埋吞拿魚、油甘魚、希靈魚及八爪魚，可以話係一個無敵組合。
壽司
大家可不要忽略旁邊的壽司位，因為所有什錦壽司及卷物，都是用上正宗日本珍珠米，而且刻意地將飯團壓得較細，好樣食材將飯團完全蓋上，真有心思。
Carving Station
西班牙乳豬
原隻上碟，可以話皮光肉滑形容，但豬皮並非中式芝麻皮，放涼了會變韌，反而皮下脂肪帶出的肉香更盛。
鴨肝漢堡
自助餐鴨肝一向都係放係多士上，但製作成漢堡包就真係第一次見，麵包本身鬆軟，吸收了鴨油好油香，軟綿綿的口感超正。
即煎美國和牛
每位基本可獲兩片，生熟程度悉隨專便，最誇張是除了幾款芥末外，更有四、五款海鹽選擇，感覺就像是去了一間扒房。
烤羊架、烤肉眼
相比之下，兩款肉就烤得太熟了，實在提不興趣。
另外，仲有烤春雞、香草鱈魚柳及忌廉焗薯仔。
湯
松茸菇螺頭燉瘦肉
火喉十足，原盅隔水清燉，食材的味道都跑到湯裡，芳香馥郁，甘甜生津，今晚前前後後飲了幾盅，真盡慶。
例湯中的中湯是清補涼湯，可能燉湯太出色了，飲了一碗就算。
至於西湯是甘荀湯，今晚飲到成肚水，點都要放棄少少野既。
熱葷
蒜片牛肉粒
用的都是一口和牛粒，有嚼口而富肉香，不錯。
XO醬貴妃蚌帶子
個人最喜歡的熱葷之一，尤其是貴妃蚌食極都有，實在超愛那種特別的爽勁，要挑剔的，就是XO醬未夠重手。
加上臘味炒芥蘭、薑蔥霸王雞、黃金蝦及燴牛面頰，全都是中式熱葷。
燒味
在大堂一角的燒味，原來是隱密星級菜色。
因為主掌燒味部的譚主管，曾獲米芝蓮一星榮譽，一道蜜汁叉燒，已經焦香有嚼口，蜜味甜香，高水準表現，加上燒鴨及豉油雞，簡單但吸引。
灼料吧
絕對要食「豪華版車仔麵」 ，麵底可以不理，因有配料才是主角，任食花膠、海參、大冬菇及長洲咖喱魚蛋，花膠仲要炆到起膠質，仲有乜野好講？未夠？得~加埋海參滿足了吧！魚蛋更是比起原版彈牙及入味，試問點可以錯過?
蝦子撈麵
又係必食點，麵底建議淥生少少，加添彈性，蝦子好香，份量少少仲好，留力食其他野。
沙律
聽聞酒店另行開闢種植區，自行種植香料供酒店使用，既環保又可自給自足，直得一讚。
而且沙律賣相好、種類多，有水牛芝士蕃茄沙律、大蝦牛油果沙律、羽衣甘藍車厘茄意粉沙律 、即製凱撒沙律、意式雜豆沙律、泰式廚師沙律及藜麥石榴發達芝士沙律，都清新健康。
Cold Cut
提供沙樂美腸、凍肉、煙三文魚、刁草三文魚及18個月parma ham。
飲品
酒店有時訂貨多了，又不想浪費，便會製作果汁，但供應量有限，是晚有Marina Beach（提子及橙汁） ，鮮甜可口，正。
Buffet 只有簡單的一杯熱飲，想好好享受的，大可加（$118）便能任飲soft drink，而加（$198） ，就有任添紅白酒啤酒及soft drink，至於（$338），就可享用香檳，至於清酒平少少，只須$298。
甜品
想不到除了北角的新酒店遇見過，家陣Marina都有旋轉雪糕機。
基本上餐廳提供三大名牌出品，先是 I-Scream 的 Mango Sorbet及Chocolate。
再來是 Movenpick 的 Panna Cotta及Espresso Croquant。
壓軸是哈根大師 的 Cookies & Cream及Tiramisu Mochi。
甜品區最吸睛的，莫過於擺放於燈塔模型下的甜品陣，藍莓芝士蛋糕、朱古力紅桑子慕絲蛋糕、青檸撻、榛子泡芙、熱情果榛子慕絲蛋糕、 果仁糖牛奶朱古力慕絲蛋糕、焦糖白朱古力布甸、焦糖布甸、藍莓panna cotta 及 芒果布甸。
另一邊的甜品枱，特意設計讓小朋友可以自行選取甜品，又是一個窩心點。
有檸檬牛油蛋糕、抹茶蛋糕、栗子蛋糕、榛子熱情果慕絲蛋糕、朱古力布朗尼蛋糕、榛子牛奶朱古力慕絲蛋糕 及 Cupcake。
中式甜品中，竟然有薑汁湯丸，好鍾意薑汁糖水底好夠辛勁，好少地方夠膽咁重手。
加上麵包布甸、焗栗子蓉西米布甸及朱古力噴泉，陣容是說不出強勁。
P.S : 星期一至四 晚上6點半至十點 成人/ $638小童/ $428
星期五至日及公眾假期 成人/ $688 小童/ $448
但若果在飲食網站預訂可享七折優待， 算起來只不過 $550左右，單是食兩隻活龍蝦已經值回票價了。
Post
