瀛鍋

Open Now

Now Closed

卜卜蜆湯底，入面有大量蜆，d蜆好大隻，食落好鮮甜，完全冇沙，仲有栗米，蘿蔔，所以個湯底好鮮味。椒鹽三文魚骨腩份量都幾多，炸得好香脆，入面仲好嫩滑，個椒鹽味好惹味。手切牛拼霜降牛呢個雙拼牛都唔錯，霜降牛d脂肪好靚，好靚雪花紋，食落好淋滑，入口即溶，而手切牛都好重肉味，唔會太韌餃子拼盤都幾啱選擇困難症嘅我，有齊4款唔同口味嘅餃，每款都好足料，由其是水餃，好大隻，入面有大蝦，荀，木耳同豬肉。活魚刺身非常新鮮，上枱條尾仲郁，魚肉鮮甜，好有彈性，食落好鮮甜，食完之後，店員仲幫我地將條魚d骨切件，用黎打邊爐，非常貼心。冰震鮑魚係送嘅，因為朋友喺網上訂枱 ，鮑魚食落帶有少少酒嘅香味，好爽口彈牙。呢度仲有包房，可以下次同屋企人一齊食。