伊賀日本燒肉料理 (Closed)

［重頭戲 超生猛跳跳紮活魚］放題而家咁多元化，中西日韓咩都可以一次食晒，可以一餐飯滿足晒成班朋友個個唔同嘅要求，真係勁開心！今次黎左朋友介紹嘅伊賀。佢唔係一般放題嘅用紙條仔tick,咁樣可以好快咁落單，又唔驚跌左張紙仔會漏單，好有系統！一落左單，野食好快就送到！真係光速啊！因為我地有一個朋友未到，店員都好窩心咁話送嘅魚生船會齊人先送。先黎燒物，鏝魚蛋好少食到，有腥味，不過可以多啲蛋液。牛油栗米好野味。之後黎嘅就係燒海鮮，叫左蠔、蝦、帶子同埋青口。蠔大大隻，燒左出黎都唔韌! 燒菇一直都係我嘅favourite,啲菇燒到乾乾地先最好味！佢仲有燒峴，粒粒肉都脹卜卜架！燒肉方面因爲我麻麻地鐘意食肉食得唔多，朋友就話佢個牛係出色架唔會好韌！食食下放題必備嘅魚生船就到了！成板嘅海膽都好鮮甜，不過佢比嘅紫菜就有啲林喇！脆啲更完美！之後重重頭戲活魚刺身到喇！條魚上左台都仲跳緊，冇錯 係跳緊！佢生猛到感覺有啲殘忍，試下佢啲肉，魚味重，佢切得厚薄適中。條魚真係誘張，我地食晒佢都仲郁梗！食放題好少食壽司，因為牙肚嘛！不過都試左幾款，三文魚子壽司個紫都係脆卜卜架！食飽飽仲有movenpick雪糕比你揀！太完美