半熟工房 (德輔道中) (Closed)

由於要派餅所以諗起呢度，發現佢有期間限定既package，包左獨立包住既布雪同芝士蛋糕，而布雪都有好幾個唔同既味可以揀，牛奶呀，芝士呀，抹茶呀等等。呢個package既好處係，每次派餅都總有人話好飽，唔想食住。咁佢地可以要個獨立包裝既布雪，想食先拎出黎。我要左兩個set之後加左啲芝士撻。芝士撻同芝士蛋糕都係搶手貨，質素相當不錯。最後派完淨左一個蛋糕。自己開心食左！佢細細個，岩岩過到口癮。蛋糕係好moist，芝士味淡淡地不過好香，正！