品味冰室 (Closed)

呢個位置其實都轉左好多手，以前一路都係茶餐廳黎，但係尖沙咀返工咁耐都好少上黎食飯。直至轉左做品味冰室之後，就完完全全變左做飯堂👍🏽一黎食物質素奇高，價錢親民，而且老闆娘夠晒親切，係到食飯絕對係多左一份溫馨親切感，難怪上親黎都座無虛席😂🟡 鑊仔牛柳配吉烈帶子飯牛柳處理得好好，唔會一大陣雪味，亦都唔會拿都淋晒，食落仲好濃郁嘅牛味👍🏽 🟡 土魷馬蹄蒸肉餅肉餅唔嚡口，夠晒爽滑，而且肉汁豐富，土魷亦都浸得夠晒淋，係茶餐廳都食到咁高質素嘅肉餅絕對難得聽朋友講呢到仲有個出晒名嘅椒鹽豬扒飯，下次黎一定要試下😋