逸翠軒點心專門店 (Closed)

長沙灣呢區勁多平民美食，今晚咁岩要黎呢頭睇醫生，又唔可以食咁重口，所以就揀左食中式點心，搵到呢間可以全日食點心既店，就入左黎啦～點心價錢都正常價，但款式選擇不算好多，勝在各樣點心既水準都幾平均，唔會話有某啲係伏，哈哈。鳳爪排骨飯調味幾好食～排骨腌得幾入味，不過略嫌少少咸，飯粒幾分明，不錯不錯。最值得推薦嘅係流心奶皇包，一搣開差啲流曬出黎，好滿既流心，平時好多時食都會乾咗，或者唔夠流心，但呢間好ok!