享慢煮泰 (Closed)

之前食過中環嗰間享慢煮意既流心牛角包一試難忘😍今次再來姊妹店，而呢一間係主打泰式Fusion西餐，咁就啱晒，好鐘意食泰國嘢😝今次叫左一個set dinner 加個main 兩個人share😋🔸冬陰龍蝦湯流心牛角包🥐牛角包好酥脆，一切開就啲湯就流出黎😍冬陰功味好香濃再加埋龍蝦湯，微微辣，用牛角包點黎食好惹味。冬陰功味嘅牛角包真係好特別，未食過嘅要試吓！🔸燒日本扇貝·美國生蠔配泰式汁🦪生蠔配泰式酸辣汁，唔算好辣，酸酸地好醒胃😋朋友食扇貝，佢話都燒得幾香，帶子都幾厚肉👍🏻🔸真空慢煮和牛面頰配瑪沙文咖喱汁🐮慢煮和牛面頰份量好多，肉質零舍軟腍，牛味重，少脂肪，炆得好入味。配菜有粟米芯、秋葵、薯蓉同椰菜絲都好出色！薯蓉好Creamy好重奶味，椰菜撈左沙律醬，好好味😍🔸真空慢煮挪威三文魚配冬陰燴飯🐟慢煮挪威三文魚有半熟既質感，外面輕輕煎過，中間好嫩，完全唔會有乾柴的感覺。冬陰燴飯，啲飯比較硬身，有咬口，味道好惹味，無咩辣味，好食！🔸真空慢煮焦糖燉蛋伴椰子雪糕🍨椰子雪糕真材實料，真係有粒粒椰子肉😳焦糖燉蛋面頭焦糖薄脆，連同軟滑香濃、蛋香味又重的燉蛋一齊食好好味😋😋