諾亞半熟蛋糕專門店 (Closed)

本身小食甜品既我，同女朋友係西九龍中心行街，行完街佢想買甜野食，就陪佢買甜品食啦。睇睇水牌，見到呢間半熟蛋糕，咁我對流心既甜品情有獨鐘，咁就行去睇睇啦。呢隻蛋糕既外形幾特別，可能因為入面係半熟？！所以唔會有好脹卜卜既感覺。我就揀左個比利士朱古力，試一試。 買走既時候店員仲好細心問我，拎到番屋企要幾耐，幫我加冰保存好。仲買左個特飲，鳳梨香橙特飲，仲有果肉同埋果皮係入面，好清新好健康，大熱天時，未番到去，已經差唔多飲曬。面頭既朱古力味好突出，濃濃既朱古力香味，配埋入面既半熟芝士蛋糕簡直係絕配。而且芝士味恰到好處，唔濃唔淡，一流。係盒入面已經有齊所有工具，好方便。呢到仲可以訂做3D蛋糕，下次女朋友生日都要訂一個比佢。