酒處 (Closed)

想飲返杯，又要有佐酒美點既地方，除左大排檔，居酒屋係另一個唔錯既選擇。是日小聚，見有d清風，想打個邊爐，點知限時得個半鐘就要交枱，轉場黎左呢到。喜歡呢到小吃多，適合是夜既淺嘗小聚。先黎要幾款下酒小吃， 要左芝士酒盜、炒牛旁同埋麻醬番茄。自從第一次食過酒盜就一試難忘，係伴酒不二之選，呢到份量幾多，芝士都有兩大舊，芝士夠香濃，個魚鮮味同鹹味都唔錯，好食。炒牛旁，切得夠幼，食落夠哂爽，加埋面頭d芝麻好香，很不錯。麻醬番茄，番茄好多汁，夠鮮甜，配埋個麻醬，夠哂開胃，喜歡蕃茄要試下。跟住要個自選壽司，有八件一卷，雖然叫自選，選擇都唔少，記得有吞拿魚腩、舌拿魚、帶子、牡丹蝦、油甘魚等等，唔係舊舊有食，不過幾款都幾新鮮，很不錯。小試串燒，要左雞棒串，食落入面有少少軟骨，外面燒得有d焦，還可以。想食燒魚，要左燒花魚，燒魚夠乾身，食落咸香味重，不過就真係太多骨，要小心。蒜片炒雞賢，雞賢夠爽，蒜片香口，個汁就幾燶味下，食到尾覺得幾咸。仲有酒飲，胃口亦唔錯，要多兩樣，炸甘薯片，硬得黎脆，好有咬口，甘薯少甜，非常可口，真係要飲返杯。炸魚餅，呢款就相對一般，軟熟，不過無咩味，只有炸過既香口，麻麻地。是夜要清酒，