峰壽司 (Closed)

間中我都會食下連鎖壽司店，貪方便地可以解決久不久才出現既壽司癮，正如我曾經講過，去過日本食壽司既，番到黎香港食壽司既頻率會減少。我都好耐無食峰壽司，今次一試，感覺上峰壽司既盛（即係一set壽司咁上）同埋套餐較多，配搭種類亦較廣，味道上以香港連鎖壽司店標準黎講算okay。我今次就試左依個峰壽司盛盒，188蚊，除開每人8件壽司加三粒小卷，價錢還可以。依個壽司盛不足既地方，包括魚背壽司不夠肥美，食起上黎油脂味唔夠，依方面元X壽司做得好啲啲。仲有一個奇怪既地方，就係佢既卷物用左咸酸菜，有別於一般既用青瓜，雖然味道正常，但感覺不太好至於魚生類壽司就中規中矩，反而有驚喜既係件玉子壽司食完個壽司盛見個肚仲有少少位剩😅叫多個特大三文魚三點盛，以長度計係okay既，中間件灸燒三文魚壽司係岩岩燒好，仲出少少魚油；至於左手面既漁師風壽司還可以啦，不過我成日覺得千島醬嘅味道會蓋過三文魚嘅鮮味。成餐每人先至＄125，其實都好對得起個價錢架啦