粥粉麵飯 (Closed)

27/4/2022 炎熱的星期三，沙灘受疫情影響，暫時封閉，喺淺水灣想食中式餐，梗係嚟呢度啦。見佢餐牌有點心，有小菜，有粥粉麵飯，好多選擇。我哋揀咗 二人點心拼盤，有鮮蝦春卷、鮮蝦腐皮卷、蜆蚧鯪魚球、鮮蝦炸雲吞，夠脆口。再叫咗咸道水角，熱辣辣，漲卜卜，好食。香煎蘿蔔糕，配以甜醬，辣醬，刺激食慾，正！上湯水餃，啱晒熱天，有一些湯水濕潤，水餃皮薄蝦新鮮，美味。坐室內嘆冷氣，可以望出外面，難得好清晰見到沙灘及海景，真正連環境都享受埋。侍應招呼友善，給人客舒服的感覺。值得推介！