粥粉麵飯 (Closed)

換左女服務員主打，好貼心，食物左好多有粥麵還有飲品都係很好。牛腩麵特別好，份量足夠，麵煙un無可挑剔仲有景色及坐位之間距離理想，一家大小細去很好，早上去蠻多人，下次會非繁忙時間去

首先吾係第一次黎，但係今次寫食評係個後生男服務員態度好麻麻，人吾多但吾多理你，叫左幾次，野食係ok，特別蝦餃义燒包，唯獨個鯪魚球好咸，冇乜分量，品質吾太一致，吾知係咪轉左師傅，變左魚旦咁，所以之後吾再返單，吾會再黎。

行山去到淺水灣，因為今日落雨人不多，如果天氣好又是假期應該好多人在沙灘，這裡沿着海邊的食肆大部份是西餐，不過都有間中餐叫粥粉麵飯，可以望住海景食中式午餐，$18一位茶，五位叫咗三款茶，茶壺夠晒colorful，又夠份量。點心有蜜汁叉燒包、蘿蔔糕，蘿蔔糕好足料，食到蘿蔔，其他叫了小菜，楊州炒飯、沙茶金菇牛肉煲、乾炒牛河牛肉夠林、肉碎四季豆送飯一流、白飯魚蛋餅好味👍，質素都幾好，夠晒鑊氣，熱辣辣，份量又多。價錢同去尖沙咀酒樓食差唔多，今餐都幾滿意。

又係三年疫情冇嚟過，又係突然間釘一聲想嚟重溫一下，朋友放工響灣仔，揸車去淺水灣都好近啫😜淺水灣都有啲唔同咗，之前出面邊有咁多錶位泊丫 朋友放7:30入到去都差唔多八點，其實嗰一帶都好靜下㗎喇，夜晚仲邊有人會專登去食飯丫，始終係高尚嘅地方，附近嘅人都應該習慣咗chill同埋慢活. 夜晚黎得都應該係有車階層或者住附近啦。入到嚟得一台，客人侍應話俾我哋知，淨係得返小菜粥粉麵嗰啲，因為負責嘅廚房大佬已經收咗爐，等我哋仲一心諗住嚟食粥粉麵添！☹️冇得選擇唯有叫兩個餸囉，價錢當然比出面市區貴，其實都係食啲普通小菜-咕嚕肉同埋豆腐茄子煲。味道係唔錯嘅，可能我本身鍾意食酸酸甜甜嘅咕嚕肉。個豆腐茄子煲其實都好味嘅，係太多油俾我哋睇到好似好邪惡咁，但係整茄子又預咗佢係多油嘅～因為佢哋好似趕住收工，咁我哋又費事阻住人哋，所以匆匆忙忙食完就走人！冇辦法chill住嚟食味道依舊感覺走晒😔 而家好多以前食開嘅舖頭都好似變咗係咁樣，有啲唏噓😔

小有食的咁清淡...話說因為重感冒病咗3日，原因係新年日日出街日日玩辛苦過返工，終於一起身就頭重腳輕發燒流鼻水狂咳，竟然都唔係Covid , 只係重感冒...covid 真係好難中，就黎唔洗帶口罩我都未中過😆一訓醒突然好返，流水咳完全無晒，立即衝出去暖下個胃✔️✔️✔️乖乖地唔敢再大魚大肉😂粥好眠而且粘度均稱，味道淡而有味，同濃味嘅炒麵好襯， 一啖麵一啖粥妙極妙極大✔️如果就咁單獨分開食係唔會有口感+味道嘅碰撞。

27/4/2022 炎熱的星期三，沙灘受疫情影響，暫時封閉，喺淺水灣想食中式餐，梗係嚟呢度啦。見佢餐牌有點心，有小菜，有粥粉麵飯，好多選擇。我哋揀咗 二人點心拼盤，有鮮蝦春卷、鮮蝦腐皮卷、蜆蚧鯪魚球、鮮蝦炸雲吞，夠脆口。再叫咗咸道水角，熱辣辣，漲卜卜，好食。香煎蘿蔔糕，配以甜醬，辣醬，刺激食慾，正！上湯水餃，啱晒熱天，有一些湯水濕潤，水餃皮薄蝦新鮮，美味。坐室內嘆冷氣，可以望出外面，難得好清晰見到沙灘及海景，真正連環境都享受埋。侍應招呼友善，給人客舒服的感覺。值得推介！

好幾個月之前，之前同兩個仔去淺水灣玩，因為亞仔食中餐食得最好所以同佢去呢間食。坐低有一壺茶，見天氣熱熱地仲叫咗2杯凍檸茶。店員服務非常之好，又快又好殷勤同有禮貌，仲請我個仔飲利賓納。多謝晒🙏🏻叫咗燒賣，乾燒伊麵同埋雲吞麵，全部食物嘅味道都幾好！價錢唔算貴，比起旁邊嗰幾間餐廳經濟。而且成個淺水灣應該得佢一間中餐？當日天氣幾好，開住摺門半戶外都幾舒服。下次嚟淺水灣想食中餐會再幫襯😃😃😃😃😃

义燒包的蒸籠篜紙拿走後底部是舊食物，嚇親。而且炸両的油炸鬼基本上全是油，失望。菜苗餃及粥還可以，但衛生情況有待改善。只有幾枱客，其中一枱走後，抹都不抹就直接放新餐具，其實檯上還有食物殘渣及撻碎。如果是大牌檔也算，但始終係淺水灣呢！新開時每次去淺水灣都幫襯，質素這家嘢真係咁難維持？

喺淺水灣玩完一大輪，又係醫肚時間。雖然嚟到外國人習中的淺水灣，但講到食都係喜歡食返港式中餐之類。行左一個圈，見到呢間唔洗排好耐隊，就入左去。環境唔錯，坐得都算闊落，唔太迫。又有小朋友櫈提供叫左我最愛嘅肉絲炒麵，以我食左幾十年肉絲炒麵嘅經驗，呢個面質素叫正常，面底可以再炸得脆啲，但係用料十足加返啲分。肉絲炒麵油炸鬼真係即炸，好脆卜卜，係有啲特別，不過好油膩，而且其實油炸鬼係要外脆內軟先叫好食，因為只能講一般粥麵舖會更好食。油炸鬼正常質素，都滑嘅，但都係一般粥麵舖好食啲。布拉腸粉砂碢雲吞雞，雲吞正常，雞應該都係雪藏雞，唔夠滑，湯底ok但始終比較多雞油。最後講服務態度一流，唔該前唔該後，而且反應好快，遊客區嚟講算唔錯

拍拖成日去淺水灣食野， more relax. 而家有埋小朋友， 就更加成日想去（因為無甘多人😂）。 一向都有去食粥粉麪飯食野， 但轉左手之後就第一次去食。但價錢比之前貴同埋出餐慢左好多。有待改善😂叉燒一向係主打好食， 聽講係用黑毛豬。肥瘦適中， 仲好香豬肉鮮味， 但價錢就…. 推介：七味脆豆腐10分滿分好食， 又滑， 又脆口， 仲好野味添🥰🥰春風得意腸： 腸粉內是炸的脆蝦， 幸好外皮被腸粉皮包著， 但又唔會令佢變林左。 presentation 好過之前， 粉皮又唔算好厚身👍🏻咕嚕豚爽肉， 同一般咕嚕肉分唔太大。

同屋企人喺附近飲完下午茶喺沙灘做行咗一陣就諗住順便食埋夜晚先返屋企。因為屋企人唔鍾意食西餐就揀咗呢間中菜館。淺水灣好少中餐廳，所以本身對呢間餐廳唔係太大期望但竟然好有驚喜！最有驚喜係呢個砂煲龍躉！！！你睇得出佢嘅龍躉係真係靚野，而且佢收費唔貴$300樓下一大煲！裏面有好多塊魚而且係靚魚好抵食而且好好食！！！！本身係最有期望嘅係呢個砂煲雲吞雞，點知唔係太特別，雲吞幾好食雞都滑嘅中規中矩。黑毛豬叉燒超出我想像！睇落去好似諧霎霎點知食落超級Juicy!!!!! 超級厚身 肥瘦適中乾燒伊麵正正常常都OK四個人食買單$1000左右，都幾抵食。

環境正，點心好味，服務好環境正：面住淺水灣沙灘，對住個境食野心情都特別靚（特別係日落時間）點心好味：點心特別出色，對比酒樓的點心有些特別，有d 係自創的，味道唔錯，好食服務好：服務員好笑容，有老街坊嘅味道