Video
Read full review
2010-03-07
5 views
渾水摸魚!! 今日同老婆嚟咗呢度食午餐，叫咗：煎蛋免治牛肉飯 ($42)蛋牛治 ($22)凍檸茶 ($16)熱朱古力 ($14)個煎蛋免治牛肉飯賣相好鬼普通，收得$42會唔會俾D誠意呢? 咁嘅賣相我不如去求其一間茶餐廳食？咪最多$25一碟?! 味道又淡，Ｄ免治牛肉汁又少....蛋牛治入面Ｄ蛋煎得仲未夠功力，同普通茶餐廳完全無分別....我諗個師父要去多Ｄ餐廳食吓，剩係赤柱間泗益都好過你哋100倍...凍檸茶無特別...朱古力竟然無朱古力味.....由落單到食物上枱，都有驚喜:1. 落單果位待應問完又問係唔係煎蛋免治牛肉飯，到我叫蛋牛治係咪1份? 吓？兩個人食飯，先前叫咗個飯，之後叫個蛋牛治都仲要問係咪1份? 咁你唔問我碟飯係咪要1碟?2. 個煎蛋免治牛肉飯、凍檸茶同熱朱古力到咗，個蛋牛治都未到，食咗3份1，忍唔住問老板娘(我估佢係老板娘，我見佢有打電話叫Ｄ人番工)，佢答我：「好呀，我幫你跟...」，５分鐘後碟飯食完果份蛋牛治都仲未到，見到老板娘我俾個手勢佢話份蛋牛治仲未到，佢回應我：「我幫你跟咗㗎喇...」,如是者５分鐘又過去.....我搵咗第二個待應追，佢回應：「好呀，我幫你跟...
今日同老婆嚟咗呢度食午餐，叫咗：
煎蛋免治牛肉飯 ($42)
蛋牛治 ($22)
凍檸茶 ($16)
熱朱古力 ($14)
個煎蛋免治牛肉飯賣相好鬼普通，收得$42會唔會俾D誠意呢? 咁嘅賣相我不如去求其一間茶餐廳食？咪最多$25一碟?! 味道又淡，Ｄ免治牛肉汁又少....
蛋牛治入面Ｄ蛋煎得仲未夠功力，同普通茶餐廳完全無分別....我諗個師父要去多Ｄ餐廳食吓，剩係赤柱間泗益都好過你哋100倍...
凍檸茶無特別...
朱古力竟然無朱古力味.....
由落單到食物上枱，都有驚喜:
1. 落單果位待應問完又問係唔係煎蛋免治牛肉飯，到我叫蛋牛治係咪1份? 吓？兩個人食飯，先前叫咗個飯，之後叫個蛋牛治都仲要問係咪1份? 咁你唔問我碟飯係咪要1碟?
2. 個煎蛋免治牛肉飯、凍檸茶同熱朱古力到咗，個蛋牛治都未到，食咗3份1，忍唔住問老板娘(我估佢係老板娘，我見佢有打電話叫Ｄ人番工)，佢答我：「好呀，我幫你跟...」，５分鐘後碟飯食完果份蛋牛治都仲未到，見到老板娘我俾個手勢佢話份蛋牛治仲未到，佢回應我：「我幫你跟咗㗎喇...」,如是者５分鐘又過去.....我搵咗第二個待應追，佢回應：「好呀，我幫你跟...」（但係佢唔係行去水bar果面，吹賬~~)
3. 過咗一陣有個待應行過嚟附近大趕叫：「邊個叫蛋牛治？」我答係我，但與此同時我聽到老板娘口up up話：「係佢喇，追咗３次」跟住仲同我講：「𠸉唔啱呀?」（用挑戰嘅語氣)
如果喜喜冰室嘅老板睇到呢篇係食評，好想你哋知道，你收得呢個價錢就俾Ｄ良心出嚟做好Ｄ食物質素喇，你當香港市民未去過其它餐廳食過嘢? 定係你以為開咗間「火車頭」見求其整Ｄ越南粉出嚟都有人扑住幫襯你，就可以求求其其?
服務態度都好重要㗎，你估你打開門就一定會有人入嚟? 剩係我就唔會再嚟，我仲會好多人分享呢個故事......
Post