探客 (Closed)

喺附近返工嘅OL朋友瘋狂推介呢間探客😂😂😂 佢喺旺角返工，基本上成條街嘅台式飲品都試勻晒，但只係對呢間讚口不絕!!!永遠無伏咁話😆😆今日就試咗兩杯 芝士奶蓋嘅飲品 : 芝士木瓜🧀 同芝士莓莓🍓 芝士木瓜用新鮮木瓜打成，芝士奶蓋香濃醇厚，一啲都唔嬉場。奶蓋嘅鹹味同木瓜嘅甜味非常夾，而且飲落滑溜!😋😋 我嗌咗少甜，甜係來自木瓜嘅原味而唔係死甜，入面仲有d d 果肉，相當之清新可口😍😍 絕對適合少糖一族!!而芝士莓莓用咗藍莓同草莓混合，初初以為會偏酸，但飲落原來都係甜甜地，食落仲有大量莓肉 🍓🍇 堅足料!!!! 加埋奶蓋非常之相襯， 無論分開飲定撈勻飲都有唔同嘅味覺享受👍👍 重點係佢地都非常之巨型，喺大熱天時消暑解渴，又性價比高飲品!!!