胡爐 (Closed)

【尖沙咀厚福街美味高質素火鍋】係尖沙咀厚福街有間古色古香既火鍋，而且食物質非常高，今日就約埋朋友一齊試下。人數多的話，仲有房間自成一閣，唔會嘈到其他人哦！叫左2個湯底，分別係濃湯佛跳牆雞翅窩同四川麻辣鍋，前者勁足料，有鮑魚，花膠，魚翅，湯底非常濃郁，仲有雞件，我地飲左幾碗哦。而四川麻辣鍋就只係叫左小辣，辣度適中，有鴨血，豬皮同支竹等配料。胡爐牛拼盤，有齊牛舌芯，安格斯手切肥牛，手切牛頸脊，牛胸爽同牛肉粒。每款都牛味勁濃，岩晒牛肉控。牛胸爽雖然睇落成塊油甘，但食落好爽口，唔會成口油哦。丸粒拼盤，最鐘意就可以試到唔到味道既丸，牛丸味濃勁juicy, 最特別係黑松露墨魚丸，勁香黑松露味。餃子拼盤，又可以試晒甘多款餃子，簡簡單單既手工雲吞同韭菜餃反而最得我歡心。但要睇住時間吖，渌太耐就會散晒。老友鬼鬼，蝦膠釀油炸鬼，熱辣辣，超好食。放落四川辣鍋度浸一浸，仲脆脆哋，但辣辣地，係另一種唔錯時食法哦~