Video
Read full review
2018-08-19
4820 views
講起呢間上海菜館我真係由細食到大，記得細個係爸爸帶我地嚟食嘅，嗰時佢仲係上海老正興，後嚟唔知幾時同點解轉左名， 好彩菜式水準依然保持到兒時味道，所以直到現在我地都久不久會嚟幫趁下😊！食左咁多年其實好多菜式我地都試過，當中如果要數每次嚟都點嘅就必定係呢幾款😍😍😍。提起上海菜，必定會諗起燻蛋，呢家嘅燻蛋有好重煙燻味，帶少少鹹香但唔會過火，蛋汁處於微微流動嘅狀態🤤👍，老實講，我試過自己動手做，所以知道要做得好味真係唔容易架。馬蘭頭就唔係我杯茶，不過佢texture都幾得意，菜味都好香，但如果俾我話事我會點鹽香鴨囉🤭。煙燻黃魚又係另一道必點嘅菜式，煎香嘅黃魚帶微微煙燻味，黃魚肉質依然鮮嫩而且都幾多肉，唔識食魚嘅我都食到津津有味😁。蟹粉小龍包雖然係基本野，但要做到皮薄餡多又有蟹粉香，唔足料同少啲巧夫都唔得架，呢度嘅就一定合格喇！圓蹄其實最好係人多原隻咁叫嚟食，我地人少說點左白菜燴元蹄，硬係覺得味道差啲，唔夠赤醬濃郁香膩😝。如果鍾意食魚就一定要食佢嘅砂鍋粉皮頭尾😋，個醬汁除赤醬之外，再加入京蔥，辣椒同香蒜餚煮，所以啲魚頭尾同粉皮都好惹味但唔會太鹹，好似我怕魚骨嘅就不停摷啲粉皮嚟食囉😝！其實我地鍾意
食左咁多年其實好多菜式我地都試過，當中如果要數每次嚟都點嘅就必定係呢幾款😍😍😍。
提起上海菜，必定會諗起燻蛋，呢家嘅燻蛋有好重煙燻味，帶少少鹹香但唔會過火，蛋汁處於微微流動嘅狀態🤤👍，老實講，我試過自己動手做，所以知道要做得好味真係唔容易架。
馬蘭頭就唔係我杯茶，不過佢texture都幾得意，菜味都好香，但如果俾我話事我會點鹽香鴨囉🤭。
煙燻黃魚又係另一道必點嘅菜式，煎香嘅黃魚帶微微煙燻味，黃魚肉質依然鮮嫩而且都幾多肉，唔識食魚嘅我都食到津津有味😁。
蟹粉小龍包雖然係基本野，但要做到皮薄餡多又有蟹粉香，唔足料同少啲巧夫都唔得架，呢度嘅就一定合格喇！
圓蹄其實最好係人多原隻咁叫嚟食，我地人少說點左白菜燴元蹄，硬係覺得味道差啲，唔夠赤醬濃郁香膩😝。
如果鍾意食魚就一定要食佢嘅砂鍋粉皮頭尾😋，個醬汁除赤醬之外，再加入京蔥，辣椒同香蒜餚煮，所以啲魚頭尾同粉皮都好惹味但唔會太鹹，好似我怕魚骨嘅就不停摷啲粉皮嚟食囉😝！
其實我地鍾意上海小食多啲，所以今次只係點左兩味主菜，唔夠飽就點埋菜肉大包，包軟餡靚，食完剛好仲有位食甜品，又或者可以點炒年糕，都唔錯架。
家中男士都嗜甜，所以甜品點了兩大款，第一款係煎黑糯米八寶飯，呢款一定要人多先食到，因為都好飽肚下架。八寶飯肯定係甜到漏嘅甜品，但唔知點解呢度嘅八寶飯食落甜而不膩喎，可能因為佢剷到好薄，所以煎到好香脆，好似零咀咁，唔覺唔覺每人一兩件好快就食哂lu~🤭
食得拔絲香蕉多，轉下口味食拔絲蘋果，蘋果嘅爽脆我個人覺得更適合於拔絲，睇住店員手工慢慢逐件蘋果沾糖浸冰水，真係見到都覺得好味呀！
其實平時如果是全家人嚟我地就會個湯菜：醃篤鮮/砂鍋雲吞雞，雪菜毛豆百頁等，呢幾款都係好有水準， 特別係醃篤鮮，火腿嘅鹹鮮味真係好香！
Post
