金記冰室 (Closed)

成日去銅鑼灣都唔知食咩，今次去到銅鑼灣咁啱見到呢間茶餐廳，又好似幾得意就入咗去啦。佢得而在於啲佈置好有獨特嘅香港味道例如牆身啲四格漫畫。感覺好似好細個嘅時候嗰啲教科書入邊嘅公仔。今次食咗幾樣野，煮食係焗豬扒飯，番茄味好重，豬扒又好大塊好厚，芝士又落得得啱啱好，真心抵食！另外，餐湯係粟米豬骨蘿蔔湯，仲另外叫咗杯黑牛！其實一個人食真係有啲多，一個餐完全係兩個人嘅份量，所以真係幾抵食。