魚蝦蟹 (Closed)

💡濃郁海鮮湯底麵店相信大家平時食日式拉麵店，湯底多數都會以豚骨湯頭比較多，近年開始多左新興店鋪以海鮮湯底為主打，今次黎到中環呢間名叫魚蝦蟹既麵店，以新鮮海鮮煮出濃郁湯底為主打，無味精又好味，絕對係注重健康又為食人士之選。🍽特大海蝦🍤配招牌特濃鮮蝦湯麵（配溏心蛋）🥚海蝦既份量絕對稱得上為特大，每一啖都係鮮甜多汁，肉質爽口同埋好有彈性。個湯底絕對係呢道料理的靈魂，無味精但能夠飲得出蝦既鮮美濃郁。而麵條亦都好掛湯，做到食每一啖麵都有滿滿既蝦香，無論係視覺或者味覺都好有滿足感。🍽香蔥蒜油鮮魚片撈麵🐟雖然主打湯麵，但撈麵都好食的！撈麵食到蒜油同埋香蔥既香味，蒜油唔會太濃味，但又能夠突出到麵既風味，加入香蔥就幫碗麵帶黎清新既感覺，魚肉口感十分嫩滑，同埋味道好鮮甜，麵身唔會太硬又有少少嚼勁。2個麵餐都加配左套餐，只需要加$20就有配菜同埋小食，今次包左吉列炸蝦🦐，梅酒浸蕃茄仔🍅，水果，蔬菜。去皮的車厘茄經過梅酒浸泡之後，不但止保留左蕃茄的新鮮風味，仲吸收了酒香，咁樣既配搭既獨特又清新。吉列炸蝦炸到金黃酥脆，大小適中，外皮酥脆，蝦肉彈牙鮮美，每一啖都係享受。加上水果同埋蔬菜，營養均衡。👏🏻🍽蒸魚肉燒賣