麺屋飛丸

Open Now

Now Closed

又揾到一間有我最愛嘅雞白湯拉麵，佢哋有三款雞白湯，兩款鰹魚湯拉麵。除咗醬油味同鹽味，雞白湯仲有一款黑蒜油味。叫咗碗黑蒜油雞白湯拉麵，叫埋小食仲送汽水。拉麵一上枱好香蒜味，本身想撥開啲油，試一啖原味雞白湯，可惜失敗咗，因為蒜油真係好濃味。湯頭又濃又杰，加上蒜香就真係一碗極濃拉麵。再加上佢配細麵一齊食，每一啖都充滿蒜味。配料有紫菜、味玉、竹荀、雞肉丸、雞叉燒、燒豬腩叉燒，其中燒豬腩叉燒最出色，肥肉仲有啲爽脆但又唔會鞋。小食嘅免治雞肉串都高質，值回票價。