去滾

Open Now

Now Closed

過左港島做野之後，多左跨區飲食😂今日約咗朋友銅鑼灣嘅「去滾」😎入到嚟滿滿嘅香港情懷，霓虹燈招牌、壁畫畫上着旗袍嘅女性、烏籠等等，好有舊時香港嘅氣氛，好適合打卡📸一直以為只系晚市做火鍋，原來午市系做套餐😍 知道後梗系要試啦😋 每份湯麵或飯套餐都配有四款涼拌小菜，今次店家提供萵筍片、海帶、木耳同西瓜小片，睇得出係店家精心挑選用作夏日小菜☺️萵筍片好爽口，好開胃；海帶加咗蒜蓉同白芝麻，好適合夏天清熱氣；木耳加咗少少辣油，好惹味；西瓜雖然細塊，但好清甜🍉 我地每人各嗌一個麵餐紅燒牛崩砂腩濃湯麵🍜揀咗，麵條好滑，好吸收到湯底嘅味道，崩砂腩雖然相對牛腩脂肪較少，但唔會太靭，而且有好濃郁嘅牛味😍😋牛魔王濃湯麵🍜集牛嘅各大部位於一麵，有牛肚、牛筋、牛腱、牛坑腩，啱晒啲有選擇困難症嘅人😂 牛肚夠軟，牛筋略帶彈牙，牛腱嫩滑唔韌，而且手工粗麵厚身，好有口感，吸收晒湯嘅香味😋🤤午餐性價比好高，食物高質仲要好抵食，下次夜晚過嚟滾吓先😉