木槇料理 (Closed)

今日我上司請食飯,揀左離office一條街既皇后大道東呢間日本野,睇落幾高檔,位於呢棟大廈既高層。一入門口有個木搭門?!好似日本神廟既通道咁,非常有日本風。而且餐廳仲有塔塔米,有拖鞋供給替換。lunch time黎依道既好多都係OL。睇到餐牌,好多選擇,首先係呢道既皇牌刺身定食,就算係刺身,都有好多款。不過因為冬天,我就唔食生冷野,叫左浦燒鰻魚定食。另外一提,呢道既職員都幾有禮貌。定食都幾快黎,岩曬lunch食。原來呢道既定食有小量三文魚刺身。當然唔小得麵豉湯同沙律,跟餐仲有野飲同小甜品。沙律都比想像中多,又新鮮。而重點浦汁鰻魚飯,飯既份量好多,好彩浦汁都相對有好多,撈飯一流,濃濃的浦汁唔浠,帶微微甜味。而焦點當然係鰻魚,好大條,肉質好好,見到真係好驚喜,平時係街度食買一條都已經好貴，但係佢呢個價錢仲有咁大條真係好抵，質量又好淋淋地,又大塊。燒得非常好師傅嘅功藝係可以從一條鰻魚見到。加上刺身都可以見到師傅嘅到刀功唔錯。整體來講係而間日本餐廳食呢個午餐都幾完美，而且餐廳好細心比埋濕紙巾,有機會嘅都想喺度試吓食晚餐。