鮨月 (Closed)

係灣仔利東街漫步完就上上面月街的搵食，老公提議不如去食鮨月的廚師發辦。刺身有真鯛，青森河蟹仔，安康魚肝，北海道厚岸蠔，非常鮮味！另外有北海道大元貝配蘿蔔苗，元貝輕炙過 ，用爽脆紫菜包住口感一流。跟住有一系列壽司目張魚，金目鯛，系撚鯛，松葉蟹赤蝦，灸燒過嘅大拖羅等等，非常精彩。然後就係和食，燒太刀魚，有別一般燒鰻魚，肥美得黎有豐富魚香！雞肉棒正常水準。 炒鮑魚非常香口爽口彈牙。酒煮大蜆非常好，因份量十足，內有大量蜆，湯底因此非常鮮甜！麵食有梅子冷麵，充滿淡淡梅子清香！最後甜品係日本士多啤梨雪糕，簡簡單單都已很好！！