Notte (Closed)

今日去到呢度食飯一入到去就見到佢個海景非常浪漫啱晒你拍拖慶祝 佢除咗有set dinner之外佢仲可以散叫嘅 我哋頭盤就叫咗個日本頂級鮑魚伴清酒汁 佢係有兩舊鮑魚上面仲有啲日本直送嘅蘿蔔 非常新鮮 而且佢個鮑魚係凍嘅但係又唔會太韌 蘿蔔同個鮑魚一齊食口感非常特別 頭盤我哋仲叫咗個香煎北海道配粟米蓉 我覺得係必叫嘅因為佢個帶子非常之大隻 而且粟米蓉喺出邊好少食到我都覺得好特別同埋兩種材料嘅配搭係非常之夾主菜我哋就叫咗個芝士肉醬意粉 佢嘅意粉係偏幼細嘅同埋佢係成塊芝士鋪在上面 所以你鍾意食芝士嘅話就一定要叫同埋我哋仲叫咗個蜜糖烤焗法國黃油春雞 呢個都係必叫嘅我覺得因為佢個雞係非常嫩滑 加埋佢嘅蜜糖汁真係一流 佢隻雞真係好彈啊最後甜品我哋叫咗個是日甜品係earl grey panna cotta超正一定要叫食過返尋味