Video
Read full review
2015-11-19
986 views
今日難得約到平時成日OT嘅朋友食飯，決定試試呢間傳說中性價比高嘅餐廳。餐廳門面明顯比附近其他餐廳典雅，深色木/磚主調。門口出面放置左幾塊大餐牌，相當注目。因為預先book定位，所以唔使等位就入得！餐廳內籠比相像中大，燈光昏暗，每一張枱上面放上一杯爉燭，好浪漫！呢度真係好岩情侶黎食。如果三五知己黎食都正，因為唔會迫窄，環境唔嘈吵，適合傾計。坐低之後侍應介紹返2個餐廳主打嘅2人餐，一個係$298二人晚餐，另一個係$438尊貴二人晚餐。因為$438個餐多啲選擇同包左餐酒（可選紅酒或白酒），所以我地揀左$438的。落左單之後，好快侍應就遞上2杯白酒俾我地。雖然唔係咩靚酒，但可以一邊嘆酒一邊談下心，返工嘅疲累消失曬！坐左無耐, 侍應又送上青蘋果鵝肝多士。鵝肝約有2隻手指嘅size, 尚算肥美吧，可惜表面煎得不夠香脆，多士亦烘得不夠，中間塊靑蘋果起左減膩作用。下一份頭盤係巴馬火腿蜜瓜。蜜瓜好香甜，火腿就普通左啲。之後侍應送上餐湯同沙律，湯係綠綠的blend左嘅雜菜湯，清新健康！而沙律係凱薩沙律加巴馬火腿。再黎一份迷你芝士拼盤。有3款芝士，味由右至左淡至濃排列。隻藍芝士真係太strong, 我地頂唔
餐廳門面明顯比附近其他餐廳典雅，深色木/磚主調。門口出面放置左幾塊大餐牌，相當注目。
因為預先book定位，所以唔使等位就入得！餐廳內籠比相像中大，燈光昏暗，每一張枱上面放上一杯爉燭，好浪漫！呢度真係好岩情侶黎食。如果三五知己黎食都正，因為唔會迫窄，環境唔嘈吵，適合傾計。
坐低之後侍應介紹返2個餐廳主打嘅2人餐，一個係$298二人晚餐，另一個係$438尊貴二人晚餐。因為$438個餐多啲選擇同包左餐酒（可選紅酒或白酒），所以我地揀左$438的。
落左單之後，好快侍應就遞上2杯白酒俾我地。雖然唔係咩靚酒，但可以一邊嘆酒一邊談下心，返工嘅疲累消失曬！
坐左無耐, 侍應又送上青蘋果鵝肝多士。鵝肝約有2隻手指嘅size, 尚算肥美吧，可惜表面煎得不夠香脆，多士亦烘得不夠，中間塊靑蘋果起左減膩作用。
下一份頭盤係巴馬火腿蜜瓜。蜜瓜好香甜，火腿就普通左啲。
之後侍應送上餐湯同沙律，湯係綠綠的blend左嘅雜菜湯，清新健康！而沙律係凱薩沙律加巴馬火腿。
再黎一份迷你芝士拼盤。有3款芝士，味由右至左淡至濃排列。隻藍芝士真係太strong, 我地頂唔順😂
開始上main course啦！第一道係香草煎封羊架
我地揀左5成熟。羊架有4小份，表面煎到微微焦脆，入面仲有少許粉紅色。怕羊酥味又想食羊嘅朋友應該喜歡，但愛食羊嘅朋友會覺得略欠些羊味。
第二道係黑松露意大利飯其實食到飽到8成啦，但聞落真係幾香，忍唔住食多幾啖。
最後係我期待嘅甜品！意式奶凍&Dreyer's雪糕窩夫。奶凍奶味濃郁，好香滑！不會太甜我鍾意！雪糕係士多啤梨雪糕，入面仲有粒粒果肉，大愛！窩夫是較硬實的質地，挺不錯。
菜色一碟一碟咁上，侍應好細心咁留意你食完未，再收碟然後遞上下一碟。好好的service! 環境舒適浪漫，談心嘅好地方！
Post
