Video
Read full review
2022-12-07
1013 views
今日約咗朋友喺圓方行街，見到呢間好有情調嘅餐廳，決定一試！餐廳職員安排咗我哋坐喺窗口位置，可以一覽維港嘅風景， 10分浪漫！慢煮小牛肉片配吞拿魚醬汁前菜嘅燒牛肉片比較嫩口，可能因為慢煮嘅關係，配上滋味嘅吞拿魚醬汁，估唔到咁夾，而且可以根據自己個人口味加多或者減少吞拿魚醬，算係一個唔錯嘅開始！白酒藍青口意大利粉原本冇咩期待，但係食完之後，呢度菜只可以用性價比極高形容！餐廳一啲都唔吝嗇，喺呢度再加入咗超多嘅藍青口，比較軟身而且易入口！黑安格斯M3牛柳配鵝肝及黑松露全晚最令我印象深刻就係呢一個黑安格斯M3牛柳，七成熟啱啱好，脂肪比例均勻，上菜嘅時候已經聞到濃香嘅牛柳味，即刻流晒口水！鵝肝同黑松露簡直係錦上添花，食落去一定唔係平時嗰啲平價鵝肝！入口即溶而且鵝肝嘅香味一直殘留喺口中，而黑松露令人一試難忘！Tiramisu甜品我哋叫做Tiramisu，果然冇令我哋失望，食落去口感細膩飽滿， 10分滿足！
今日約咗朋友喺圓方行街，見到呢間好有情調嘅餐廳，決定一試！
餐廳職員安排咗我哋坐喺窗口位置，可以一覽維港嘅風景， 10分浪漫！
慢煮小牛肉片配吞拿魚醬汁
前菜嘅燒牛肉片比較嫩口，可能因為慢煮嘅關係，配上滋味嘅吞拿魚醬汁，估唔到咁夾，而且可以根據自己個人口味加多或者減少吞拿魚醬，算係一個唔錯嘅開始！
白酒藍青口意大利粉
原本冇咩期待，但係食完之後，呢度菜只可以用性價比極高形容！餐廳一啲都唔吝嗇，喺呢度再加入咗超多嘅藍青口，比較軟身而且易入口！
黑安格斯M3牛柳配鵝肝及黑松露
全晚最令我印象深刻就係呢一個黑安格斯M3牛柳，七成熟啱啱好，脂肪比例均勻，上菜嘅時候已經聞到濃香嘅牛柳味，即刻流晒口水！
鵝肝同黑松露簡直係錦上添花，食落去一定唔係平時嗰啲平價鵝肝！入口即溶而且鵝肝嘅香味一直殘留喺口中，而黑松露令人一試難忘！
Tiramisu
甜品我哋叫做Tiramisu，果然冇令我哋失望，食落去口感細膩飽滿， 10分滿足！
Post
