Video
Read full review
2021-12-16
907 views
今日系同老公嘅紀念日，事先已經book咗尖沙咀一間地中海菜慶祝，平時一般西餐、意大利菜等等就成日會接觸到，地中海菜就真系勁少食😳感覺幾新鮮。餐廳內環境以酒吧為主，但喺某啲位置都不失藝術氣息，有藝術畫作作點綴🎨晚餐黎講我諗比較多人選擇嘅會系3道菜同埋4道菜晚餐，唔算好大食嘅話其實食3道菜都夠2個人食，但呢日太肚餓🙊所以揀咗4道菜戈款。頭盤系煙鴨胸沙律，煙鴨胸燒得好香，同沙律配搭都新鮮，裡面材料豐富，有洋蔥、青瓜、野生藜麥、希臘芝士、蜜糖芥末醬，出面吾系成日食到。主菜可以揀卡邦尼意粉或者大頭蝦海鮮飯，大頭蝦吾系度度有，試吓佢先，大大隻蝦爽口彈牙。西班牙飯煙煙韌韌，有少少辣，洋蔥、紅椒、檸檬味等味道都明顯，香氣吾西利反而食落去嗰陣感受到。另外仲叫咗烤肉眼牛扒同埋烤豬肋骨，烤肉眼扒燒得好香，裡面肉汁豐富，牛肉味道香濃，厚薄度偏厚都吾算難咬。另一份主菜系烤豬肋骨，原本其實麻麻哋豬肋骨，但呢度嘅豬肋骨確實令我對佢嘅印象改觀！BBQ醬汁味道十分豐富，食豬肋骨每一啖都好juicy👅同老公兩個人都系叫mocktail，自己叫咗「Pulp Fiction」，有蜜桃、茶同埋薄荷，飲落似出面茶飲店嘅茉莉茶，味
餐廳內環境以酒吧為主，但喺某啲位置都不失藝術氣息，有藝術畫作作點綴🎨
晚餐黎講我諗比較多人選擇嘅會系3道菜同埋4道菜晚餐，唔算好大食嘅話其實食3道菜都夠2個人食，但呢日太肚餓🙊所以揀咗4道菜戈款。
頭盤系煙鴨胸沙律，煙鴨胸燒得好香，同沙律配搭都新鮮，裡面材料豐富，有洋蔥、青瓜、野生藜麥、希臘芝士、蜜糖芥末醬，出面吾系成日食到。
主菜可以揀卡邦尼意粉或者大頭蝦海鮮飯，大頭蝦吾系度度有，試吓佢先，大大隻蝦爽口彈牙。西班牙飯煙煙韌韌，有少少辣，洋蔥、紅椒、檸檬味等味道都明顯，香氣吾西利反而食落去嗰陣感受到。
另外仲叫咗烤肉眼牛扒同埋烤豬肋骨，烤肉眼扒燒得好香，裡面肉汁豐富，牛肉味道香濃，厚薄度偏厚都吾算難咬。
另一份主菜系烤豬肋骨，原本其實麻麻哋豬肋骨，但呢度嘅豬肋骨確實令我對佢嘅印象改觀！BBQ醬汁味道十分豐富，食豬肋骨每一啖都好juicy👅
同老公兩個人都系叫mocktail，自己叫咗「Pulp Fiction」，有蜜桃、茶同埋薄荷，飲落似出面茶飲店嘅茉莉茶，味道好清新，甜而不膩。
老公叫咗杯「Big Bang」，有芒果、熱情果同埋菠蘿，幾款都系好鮮甜嘅水果，好有夏日風情🤣夏天飲都好適合。
估吾到飯後甜品都咁高汁😍做到外脆內軟，裡面嘅朱古力吾會太甜，流心效果都做到。
Post
