Video
Read full review
2018-10-27
206 views
平時返工經過見到依一間西餐廳，已經覺得佢裝修得好靚好有氣氛，但一直都未有機會去食飯。今日有舊同學生日，就決定約出嚟去依間餐廳食飯啦！提早打電話預約8點兩位，果然準時有枱比我地入座。入到餐廳入邊，鋪頭雖然唔算大，但係佢嘅裝修相當精緻，環境好有氣氛，可以俾我哋靜靜地咁樣享受晚餐！望一望餐牌，原來而家做緊主打藍青口任食嘅套餐，而且價錢仲相當優惠，咁我哋當然要試一試佢啦。點完餐大概等左5-10分鐘左右，兩碗香氣十足即點即製嘅肥美青口就已經送到枱上啦！一款係羅勒白酒忌廉煮藍青口，青口經過白酒烹調，未食落口已經香氣撲鼻，而白酒經過烹調之後大部份酒精都揮發咗，所以就算平時唔飲酒嘅人食落口都會感到有酒味。而佢嘅忌廉汁亦都煮得恰到好處，冇掩蓋青口鮮味之餘，亦令到青口嘅口感變得creamy！另一款意式茄醬煮藍青口亦都烹調得相當美味！茄醬口味味道相對比較濃郁，食落去酸酸甜甜相當開胃！令人食完一隻又一隻停唔到口！至於主菜方便，我哋揀咗香草鴨胸·珍寶虎蝦配芒果醬，以及煎焗香茅鱸魚扒配西柚檸檬汁。香草鴨胸份量相當豐富,鴨胸夠厚身之餘亦都煎得恰到好處，而隻虎蝦真係相當之大隻，而且肉質美味非常彈牙，冇令人失望。另外都
今日有舊同學生日，就決定約出嚟去依間餐廳食飯啦！
提早打電話預約8點兩位，果然準時有枱比我地入座。
入到餐廳入邊，鋪頭雖然唔算大，但係佢嘅裝修相當精緻，環境好有氣氛，可以俾我哋靜靜地咁樣享受晚餐！
望一望餐牌，原來而家做緊主打藍青口任食嘅套餐，而且價錢仲相當優惠，咁我哋當然要試一試佢啦。
點完餐大概等左5-10分鐘左右，兩碗香氣十足即點即製嘅肥美青口就已經送到枱上啦！
一款係羅勒白酒忌廉煮藍青口，青口經過白酒烹調，未食落口已經香氣撲鼻，而白酒經過烹調之後大部份酒精都揮發咗，所以就算平時唔飲酒嘅人食落口都會感到有酒味。而佢嘅忌廉汁亦都煮得恰到好處，冇掩蓋青口鮮味之餘，亦令到青口嘅口感變得creamy！
另一款意式茄醬煮藍青口亦都烹調得相當美味！茄醬口味味道相對比較濃郁，食落去酸酸甜甜相當開胃！令人食完一隻又一隻停唔到口！
至於主菜方便，我哋揀咗香草鴨胸·珍寶虎蝦配芒果醬，以及煎焗香茅鱸魚扒配西柚檸檬汁。
香草鴨胸份量相當豐富,鴨胸夠厚身之餘亦都煎得恰到好處，而隻虎蝦真係相當之大隻，而且肉質美味非常彈牙，冇令人失望。另外都有啲配菜以及薯蓉伴碟，賣相吸引之餘，味道亦都非常之好！
令一款煎焗香茅鱸魚扒，煮過餸嘅都知道，煎魚扒真係好考功夫，而今日依塊煎魚扒，師傅真係好有心機，煎得好完整好靚，而肉質仍然彈牙，恰到好處！
依間餐廳環境好而且食物有質素，有機會一定會再嚟試吓!
Post
