Wing's Kitchen (Closed)

同男朋友響附近行街，見倒呢間餐廳好似幾有情調就入左去。餐廳入面好多位都俾人book左，好在walk in都仲有位入面好有格調，周圍有好多畫，而且每張枱都有左蠟燭，好浪漫。兩個人梗係食二人餐啦二人餐佢都有兩款，俾個大力水手pizza吸引住所以我地就揀左338果個。是日頭盤係煙三文魚沙律。最鐘意就係食煙三文魚，呢個煙三文魚唔會太鹹，配埋啲沙律菜岩岩好。餐湯係蘑菇湯。蘑菇味好湯而且仲有小小松露味飲落仲有啲蘑菇碎，好足料。等主菜嘅時候，我地見倒隔離台台都食緊雞翼，所以都叫左個wing to go雞翼，揀左水牛城同農場味。個農場味醬應該係酸忌廉醬黎。佢同雞翼勁襯，啲雞翼炸到個皮好脆，咬落仲有雞油溜出黎個燴飯有好多八爪魚，幾乎每一啖都可以食倒。個汁好濃蕃茄味，個汁好傑，配埋啲飯岩岩好。大力水手pizza，一黎到見倒兩隻蛋已經覺得好特別。食落都好有驚喜，個pizza好薄，一啖落去好脆，面頭有啲蕃茄醬，食完好開胃。啲食物上得好快，尤其是個雞翼真係好正。Btw其實佢個menu都造得好有心，連啲酒係咩味，飲落咩口感都有介紹埋。