M3 Italian (Closed)

黎到沙田探朋友，搵個地方吹下水，聚下～ 朋友話最近有好多fd黎食呢間，想試下喎，之後就黎呢間用餐啦一入到去，餐廳情調挺不錯，好適合情侶黎撐枱腳～ 點左 安格斯肉眼扒，飲品就要sex on the beach，甜品就係藍莓芝士餅安格斯肉眼扒要7成熟，生熟程度拿捏得剛好，煎封表面，內裏肉汁豐富，質感滑，肉味濃，配上露荀苗同長薯仔，露荀苗爽口，同牛扒一同入口，調和肉味，帶點清爽，另有一番滋味Sex on the beach晚上鋸扒，來杯cocktail，令主菜錦上添花，更令晚上增添幾分浪漫，sex on the beach 酒味並不濃，好易入口，味道帶甜，和主菜配搭一流藍莓芝士餅甜品，響一餐上畫上完美句號。芝士味濃，入口幼滑，餅底厚度適中，表上的粒粒藍莓有口感之餘，亦有果醬混上，令藍莓味更濃，有令人捨不得完了這餐的滋味餐廳服務貼心，每道菜都會安排跟接上一道菜，讓您細心品嘗之餘，亦吃到食物熱辣辣上枱的味美