Video
Read full review
2020-09-24
895 views
好耐無去街食晚飯！今日就去咗愉景新城附近呢間西餐試下~歐陸風小木屋嘅設計好特別，餐廳環境都好有情調。-▪️法國麵包蟹意大利飯 ($248)呢個係我食過最好味嘅意大利飯😋必點呀👍🏻整得好creamy又唔漏，每啖飯都有濃香嘅蟹肉，蟹肉份量好多，加上脆香芝士片作點綴，口感豐富！點咗杯白酒($68)，氣味芳香，味道唔錯～另外仲叫咗set dinner(牛扒set $368)，有餐湯、頭盤、是日餐湯、main course、是日甜品~咁多道菜，性價比好高呢👍🏻前菜仲有是日餐湯同麵包，餐湯好足料，好開胃。▪️頭盤 - 煙三文魚牛油果芝士卷煙三文魚帶油脂香，牛油果熟度啱好，加埋芝士，層次豐富👍🏻▪️Main course - 美國頂級西冷牛扒12安士上碟擺盤好靚，牛味香濃，牛扒香煎得恰好，肉質香口，非常鎖汁好juicy😋燒汁都調得好味，更能帶出牛扒香！另外仲+$48配咗芝士薯條，呢個都非常推薦呢！平時喺其他餐廳，芝士薯條要好快趁熱食，否則好快凝固，但呢個芝士溶度拿捏得好好！唔會好快凝固，而且薯條都好香脆可口，食到一條不剩！▪️是日甜品 - 意式奶凍口感幼嫩細滑，奶香味都幾濃~食完一個甜品意猶未盡，再單點咗一
今日就去咗愉景新城附近呢間西餐試下~
歐陸風小木屋嘅設計好特別，餐廳環境都好有情調。
-
▪️法國麵包蟹意大利飯 ($248)
呢個係我食過最好味嘅意大利飯😋必點呀👍🏻
整得好creamy又唔漏，每啖飯都有濃香嘅蟹肉，蟹肉份量好多，加上脆香芝士片作點綴，口感豐富！
點咗杯白酒($68)，氣味芳香，味道唔錯～
另外仲叫咗set dinner(牛扒set $368)，有餐湯、頭盤、是日餐湯、main course、是日甜品~
咁多道菜，性價比好高呢👍🏻
前菜仲有是日餐湯同麵包，餐湯好足料，好開胃。
▪️頭盤 - 煙三文魚牛油果芝士卷
煙三文魚帶油脂香，牛油果熟度啱好，加埋芝士，層次豐富👍🏻
▪️Main course - 美國頂級西冷牛扒12安士
上碟擺盤好靚，牛味香濃，牛扒香煎得恰好，肉質香口，非常鎖汁好juicy😋
燒汁都調得好味，更能帶出牛扒香！
另外仲+$48配咗芝士薯條，呢個都非常推薦呢！
平時喺其他餐廳，芝士薯條要好快趁熱食，否則好快凝固，但呢個芝士溶度拿捏得好好！唔會好快凝固，而且薯條都好香脆可口，食到一條不剩！
▪️是日甜品 - 意式奶凍
口感幼嫩細滑，奶香味都幾濃~
食完一個甜品意猶未盡，再單點咗一個甜品！
▪️蘋果金寶配雲呢拿雪糕~
呢個都好有驚喜咖！
賣相不錯，焗完會先用一個瓶蓋住，到上枱時先拎開個瓶，keep住焗完的溫度，未打開已經聞到好香！
面層牛油粒酥脆鬆化，色澤金黃，牛油味香，蘋果粒軟硬度剛好，配香滑嘅雲呢拿雪糕，又冰又暖嘅多重口感，值得一試。
-
呢間餐廳除咗環境有情調，靜靜地傾下計都唔錯。而且食物價錢中等，但味道高質，CP值很高呢！店員服務都非常好，下次會再黎試下其他菜式！
Post
