我愛慢煮 (孖沙街) (Closed)

顧名思義主打慢煮料理，經較長時間及低溫製作，更有效保留肉汁。價錢平民之餘，仲要免加一服務費。·美國安格斯特級平鐵牛扒($118/8oz)呢個價錢有兩大塊，而且有呢個質素，CP值高，的確值得一試✨！個人而言熟成度合適，大約5成熟，肥瘦剛好，肉味濃厚。·海鮮芝士忌廉菠菜苗($68)芝士忌廉好突出，仲可以拉絲嫁！！原來咁樣整嘅菠菜又幾好味又好夾，可能由於係菠菜苗嘅關係，特別嫩口😍·墨西哥粟米花($48)燒至微微焦香，加上調味，絕對係伴酒佳品。·煙肉芝士通心粉($78)極爆邪惡，份量比想像中多，好多芝士好濃郁！！