Video
Read full review
2024-12-03
497 views
➊ 🦀黃金香脆鮮拆蟹肉餅 $177頭盤有海鮮類同沙律類，鍾意食海鮮嘅我就揀咗前者。蟹肉餅雖然只係得三件，但件件都大大件，而且冇偷工減料，可以食到絲絲蟹肉🫦 外層嘅麵包糠炸到好香脆，但又唔油膩，唧啲檸檬汁仲可以令蟹肉嘅鮮味更加突出🍋 碟邊重有提供辣根蛋黃醬，配埋嚟食真係一流。➋ 🍝🥓意式煙燻豬肉手工寬面 $168意粉就食得多，但手工意粉就真係好難有機會食，因為出邊唔係間間餐廳都會提供。雖然價錢上貴過其他意粉，但真係物超所值👍🏻手工意粉食落去嘅質感比普通意粉更加彈牙，而且蛋味會更加香濃。而且因為佢係寬麵，食落去都幾飽肚。再配埋玫瑰醬同薰豬手粒，少少嘅鹹香味，比平時食開嘅卡邦尼意粉更加和味😋➌ 🐷意式燒乳豬 配焦糖蘋果芥末籽蓉 $248乳豬本身肉質就比普通豬肉更加鮮嫩🐽 但依度預備嘅乳豬竟然比平時食開嘅乳豬肉質更加嫩滑，而且冇平時豬肉會有嗰陣臭味😯 燒得啱啱好，皮薄餡靚，外脆內軟，肥瘦都適中。重有兩款醬汁伴碟，分別係焦糖蘋果醬，佢鮮甜可口🍎同埋芥末籽蓉，煙熏味濃，兩隻又唔同嘅風味，記住兩隻都一定要試😛➍ 👨🏻🚀🥃 Apollo Mocktail $98餐廳有多款 Cocktail 同 Mo
➊ 🦀黃金香脆鮮拆蟹肉餅 $177
頭盤有海鮮類同沙律類，鍾意食海鮮嘅我就揀咗前者。蟹肉餅雖然只係得三件，但件件都大大件，而且冇偷工減料，可以食到絲絲蟹肉🫦 外層嘅麵包糠炸到好香脆，但又唔油膩，唧啲檸檬汁仲可以令蟹肉嘅鮮味更加突出🍋 碟邊重有提供辣根蛋黃醬，配埋嚟食真係一流。
➋ 🍝🥓意式煙燻豬肉手工寬面 $168
意粉就食得多，但手工意粉就真係好難有機會食，因為出邊唔係間間餐廳都會提供。雖然價錢上貴過其他意粉，但真係物超所值👍🏻手工意粉食落去嘅質感比普通意粉更加彈牙，而且蛋味會更加香濃。而且因為佢係寬麵，食落去都幾飽肚。再配埋玫瑰醬同薰豬手粒，少少嘅鹹香味，比平時食開嘅卡邦尼意粉更加和味😋
➌ 🐷意式燒乳豬 配焦糖蘋果芥末籽蓉 $248
乳豬本身肉質就比普通豬肉更加鮮嫩🐽 但依度預備嘅乳豬竟然比平時食開嘅乳豬肉質更加嫩滑，而且冇平時豬肉會有嗰陣臭味😯 燒得啱啱好，皮薄餡靚，外脆內軟，肥瘦都適中。重有兩款醬汁伴碟，分別係焦糖蘋果醬，佢鮮甜可口🍎同埋芥末籽蓉，煙熏味濃，兩隻又唔同嘅風味，記住兩隻都一定要試😛
➍ 👨🏻🚀🥃 Apollo Mocktail $98
餐廳有多款 Cocktail 同 Mocktail 比大家揀，而且每款飲品外觀上都設計得好靚，岩曬打卡人士🤣 因為依間餐廳主打嘅係星空，所以我揀咗一杯叫做阿波羅嘅 Mocktail 。佢嘅設計真係好有意思，用咗個美國登月太空人嘅公仔，抱住杯飲品。Mocktail 就用咗熱情果、芒果🥭青檸🍋🟩同雪碧去調製，果香味濃郁，而且重有熱情果嘅果肉，真係回味無窮🙈
➎ 🎂星座蛋糕 $148
黎得星空餐廳，當然要試佢個招牌星座蛋糕，特別係如果有人生日🎂 蛋糕大概1.5吋大，外層用咗深藍色嘅糖皮製成，用嚟模擬星空，上邊再用一粒粒嘅糖粒去砌成嗰個月份嘅星座，真有意思😍 個餡就係雜果朱古力慕絲，甜度適中。成個上盤過程亦都好有儀式感，蛋糕放咗喺個類似土星嘅黑色容器，再放喺個寫住Happy Birthday嘅碟上邊，碟上邊亦都放咗一啲煙花鐵線喺容器前。職員會先將成個碟放喺你面前，然後用火槍點著前邊嘅鐵絲，再打開個土星容器，附帶住少少嘅煙霧效果🌫️ 然後喺蛋糕上面插住一枝煙花蠟燭，再用火槍將佢點燃，製造一啲煙花效果🎇🎉 用嚟幫人慶生真係一流🥳🥳
Post
