Video
Read full review
2018-07-21
146 views
我哋因為啱啱行完卡樂b，所以就由正門出入，行上每一級都有燈帶包圍嘅樓梯之後上咗一樓，左手邊係一個半自助餐嘅corner，直入就係一個長廳用餐區，行到最尾嘅右手邊，有道自動門通往outdoor嘅座位，餐廳裝潢高貴華麗，走fine dine嘅格局，喺呢度慶祝紀念日就最好不過。餐廳奉送嘅兩款餐包，口感軟硬適中，為今晚嘅晚餐揭開一個好好嘅序幕。餐廳宜家做緊promotion，凡惠顧任何主菜加168蚊就有日本同埋法國生蠔任食，仲可以以半價優惠揀選餐廳四款得獎嘅signature cocktail一杯，我揀咗Gin Tea Mojito，貪佢有薄荷味可以爽一爽，呢一杯cocktail酒味未算太濃，非常適合女士飲用，口感清爽之餘仲有淡淡嘅茶香，果然係得獎嘅signature cocktail。呢三款係用嚟配襯生蠔嘅醬汁，最上面係經典嘅cocktail sauce，除咗經典cocktail sauce嘅酸味之外，仲比起坊間嘅多咗一份甜味；中間綠綠地色嘅係餐廳自家製泰式辣汁，呢個醬汁嘅味道同泰式生蝦汁有少少相似，不過就再甜啲 同埋完全無蒜頭味，咁就唔會搶咗生蠔嘅鮮味，同生蠔非常之襯；喺檸檬隔離嘅係香蔥紅
我哋因為啱啱行完卡樂b，所以就由正門出入，行上每一級都有燈帶包圍嘅樓梯之後上咗一樓，左手邊係一個半自助餐嘅corner，直入就係一個長廳用餐區，行到最尾嘅右手邊，有道自動門通往outdoor嘅座位，餐廳裝潢高貴華麗，走fine dine嘅格局，喺呢度慶祝紀念日就最好不過。
餐廳奉送嘅兩款餐包，口感軟硬適中，為今晚嘅晚餐揭開一個好好嘅序幕。
餐廳宜家做緊promotion，凡惠顧任何主菜加168蚊就有日本同埋法國生蠔任食，仲可以以半價優惠揀選餐廳四款得獎嘅signature cocktail一杯，我揀咗Gin Tea Mojito，貪佢有薄荷味可以爽一爽，呢一杯cocktail酒味未算太濃，非常適合女士飲用，口感清爽之餘仲有淡淡嘅茶香，果然係得獎嘅signature cocktail。
呢三款係用嚟配襯生蠔嘅醬汁，最上面係經典嘅cocktail sauce，除咗經典cocktail sauce嘅酸味之外，仲比起坊間嘅多咗一份甜味；中間綠綠地色嘅係餐廳自家製泰式辣汁，呢個醬汁嘅味道同泰式生蝦汁有少少相似，不過就再甜啲 同埋完全無蒜頭味，咁就唔會搶咗生蠔嘅鮮味，同生蠔非常之襯；喺檸檬隔離嘅係香蔥紅酒醋，帶住微微酸辣嘅味道與及紅酒嘅餘韻，用嚟配襯生蠔，感覺令人耳目一新。
好多人講到生蠔就只認識法國生蠔，其實日本生蠔都係好嘢，左手邊嘅係日本兵庫縣生蠔，口感非常creamy，難怪被日本人稱為海底的牛奶；蠔身長得非常肥美，入口味道清甜爽口，餘韻又有少少回甘，係一隻好特別嘅生蠔。而右手邊嘅係法國Fine de Claire生蠔，佢有住修長嘅薄殼, 肉色帶淺，味道鹹到好似吞咗一啖法國海水一樣，所以都係建議先食日本蠔；Fine de Claire一方面帶有海水嘅鹹味，另一方面亦都帶有榛果香味。若然連埋殼入面嘅海水一同吸入，滿口盡是大海嘅鮮味，過癮，係一隻受歡迎嘅高品質生蠔。
紅酒燴和牛面脥配秋葵蕃茄薯蓉，和牛面脥被燉得極度軟腍，由於燉得夠火喉嘅關係，味道完全融入和牛面脥入面，入口有淡淡嘅酒味，肉質嫩滑，薯蓉細滑之餘，廚師仲落咗少少黑松露喺入面，連配菜都令人充滿驚喜，值得一讚。
走嘅時候落緊大雨，侍應提醒原來仲有部lift可以唔洗揼雨直接落到地鐵站，非常貼心；餐廳無論食物同環境都咁出色，相信我好快又會再嚟。
Post
